«Խաղաղ բնակիչներին սպանելը, հիվանդանոցներ պայթեցնելը, զինվորներին տանջելը եւ անտառները հրդեհելը... այդպե՞ս եք դուք բնութագրում «ազատագրումը». Դանիել Դեքերի պատասխանը՝ ադրբեջանցուն
23:14 13 դեկտեմբերի, 2020Ամերիկացի երգիչ Դանիել Դեքերը, որը պատերազմի ողջ ընթացքում Երեւանում էր՝ աջակցելով Հայաստանին ու Արցախին, ֆեյսբուքյան իր էջում անդրադարձել է ադրբեջանցի օգտատերերից մեկի մեկնաբանությանն ու ներկայացրել իր կոշտ պատասխանը նրան.
«Այսօր մի ադրբեջանցու կողմից այսպիսի մեկնաբանության եմ հանդիպել` «Մենք Հադրութը մեկ ամիս առաջ ենք ազատագրել, հիմա, պարզապես, այնտեղ հայերից վերջին «Մոհիկաններն» են մնացել, որոնք անտառներում թաքնված հանցագործություններ են իրականացնում»:
Իմ պատասխանը հետեւյալն էր. «Ազատագրեցի՞ք: Նկատի ունեք խաղաղ բնակիչներին սպանե՞լը, հիվանդանոցներ պայթեցնե՞լը, զինվորներին տանջե՞լը եւ անտառները հրդեհե՞լը: Այդպե՞ս եք դուք բնութագրում «ազատագրումը»»:
