Փոլ Մաքքարթնին թողարկել Է «McCartney III» նոր ալբոմը: Դրանում 11 կոմպոզիցիա է ներառված, որոնք ձայնագրվել են գարնանային կարանտինի ընթացքում։
Երաժիշտն անձամբ է «DIY» (Do It Yourself) ստուդիայում ձայնագրել բոլոր գործիքների պարտիաները եւ վոկալը՝ կրկնելով «McCartney I»-ի (1970 թ.) եւ «McCartney II»-ի (1980 թ.) վրա աշխատանքի սխեման:
Ավելի վաղ հայտնի Է դարձել, որ Թեյլոր Սվիֆթն իր վերջին սկավառակի՝ «Evermore»-ի թողարկումը դեկտեմբերի 18-ից տեղափոխել Է 11-ին՝ տեղը Մաքքարթնիին զիջելու համար։ Մաքքարթնին նշել է, որ ինքն ու Թեյլոր Սվիֆթը քննարկել են թողարկումների գրաֆիկն, ու երգչուհին քաղաքավարությունից դրդված՝ առաջարկել է «չխանգարել» միմյանց։
Մաքքարթնիի նախորդ ալբոմը՝ «Egypt Station», թողարկվել է 2018թ.-ին անվանի պրոդյուսերներ Գրեգ Քերսթինի եւ Ռայան Թեդերի մասնակցությամբ:
Նոր սկավառակը բնույթով ու տրամադրությամբ լրջորեն տարբերվում է ե՛ւ նախորդից՝ առավել ֆորմալ «Egypt Station»-ից , եւ «McCartney II»-ից, որը տեխնո-փոփ ոճում է, գրում է Variety-ն։ Այն սկսվում է ակուստիկ կիթառով ագրեսիվ իմպրովիզներով, որոնք շարունակվում են ավելի քան հինգ րոպե։
Աղբյուրը՝ ՌԻԱ Նովոստի
Լուսանկարը՝ Samir Hussein/WireImage