Երգչուհի Սոֆի Մխեյանը գրառում է կատարել՝ նշելով, որ հավատում է՝ Քրիստոս իր ծնունդով ու հայտնությամբ այս անգամ էլ կգա մեզ օգնության:
«Տարիներ առաջ ստացա այս օրհնված Խաչը Երուսաղեմում. այն միշտ ինձ հետ է՝ տանը, ճամփորդելիս։ Վստահ եմ, որ այն ինձ մշտապես բերելու է հաջողություն եւ կլինի պահապան։ Մի օր այն մոռացա տանը, երբ կրկին Երուսաղեմում էի:
Սուրբ Հորը, ով տվել էր օրհնված խաչը, սրտնեղած ասացի, որ առաջին անգամ եմ մոռանում իմ խաչը Երեւանում ու մինչեւ ուզում էի վերջնական հուսալքվել, հնչեց պատասխանը՝ Խաչը սրտումդ պահիր:
Ես հավատում եմ, որ Քրիստոս՝ իր ծնունդով ու հայտնությամբ այս անգամ էլ կգա մեզ օգնության:
Կաղոթեմ ու կխնդրեմ բարձրաձայն, որ «փրկի զմեզ ի չարէն», տա մեր մտքին պարզություն, ուժ, եւ խաղաղություն մեր երկրին:
Որ ների մեզ՝ մեղավորներիս, եւ օգնի, որ Մեր Խաչը վերջապես մենք կարողանանք իսկապես կրել մեր մեջ ՝հավատքով եւ պատվով։
Քրիստոս Ծնավ եւ Հայտնեցավ
Մեծ եւ Ձեզ Մեծ Ավետիս»,- գրել է նա։