Կաննի փառատոնը կարող է անցկացվել ամռանը
20:24 6 հունվարի, 2021Կաննի միջազգային կինոփառատոնը կարող է անցկացվել 2021 թվականի ամռանը, հաղորդում է France 24-ը՝ վկայակոչելով փառատոնի կազմակերպիչների հայտարարությունը:
Կազմակերպիչները ցանկանում են փառատոնն անցկացնել, ինչպես եւ պլանավորված էր, մայիսի 11-22-ը, սակայն կարող են տեղափոխել հունիսի կամ հուլիսի վերջ՝ համաճարակաբանական իրադրության պատճառով:
2020 թվականին փառատոնը չեղյալ է հայտարարվել կորոնավիրուսի պանդեմիայի պատճառով:
Ավելի վաղ Բեռլինի կինոփառատոնը, որը սովորաբար անցկացվում է փետրվարին, հետաձգվել էր մարտ եւ հունիս:
Աղբյուրը՝ Gazeta.ru