Քրիս Էվանսը Marvel-ի ապագա ֆիլմերում կվերադառնա Կապիտան Ամերիկայի դերին
13:24 15 հունվարի, 2021Քրիս Էվանսը Marvel-ի ապագա ֆիլմերում կրկին կխաղա Կապիտան Ամերիկայի դերը։ Այս մասին գրում է Deadline-ը՝ վկայակոչելով իր աղբյուրին։
Առայժմ հայտնի չէ՝ արդյոք դերասանը գործարքը կնքել է, թե դա տեղի կունենա ապագայում։ Ըստ պարբերականի՝ Էվանսը պետք է նկարահանվի նվազագույնը մեկ ֆիլմում։ Խոսքը ոչ թե Կապիտան Ամերիկայի մասին ֆիլմերի մասին է, այլ դերերի մասին, որոնք Ռոբերտ Դաունի կրտսերը խաղացել է Marvel-ում «Երկաթե մարդը 3»-ից հետո։
Ավելի վաղ Էվանսը պարզաբանել էր, որ «Վրիժառուները. եզրափակիչ» ֆիլմից հետո թողնելու է Կապիտան Ամերիկայի դերը։ Ֆիլմի վերջում նրա կերպարը սուպերհերոսի վահանը փոխանցել է զուգընկերոջը, որի դերը կատարում է Էնթոնի Մակին։ Հայտնի չէ, թե ինչպես սցենարիստները կբացատրեն Էվանսի վերադարձը։
Լուսանկարը՝ Getty Images