Հայ հայտնիներ, որոնք 2021-ը սկսել են կտրուկ ոճափոխությամբ (ֆոտո)

Արտաքին փոփոխությունները հաճախ խոսում են տվյալ մարդու ներքին հոգեվիճակի մասին, բայց երբեմն դրանք պարզսպես արվում են կերպարի կամ նոր ֆոտոսեսիայի համար, հատկապես, երբ խոսքը հայտնիների մասին է:

Փոքրիկ փոփոխությունների տարեսկզբին դիմում են շատերը. NEWS.am STYLE-ն առանձնացրել է 5 հայտնիների, որոնք որոշել են կտրուկ թարմացնել իրենց կերպարը:

Սրբուհի Ավանեսյան  

Մոդել-դերասանուհի Սրբուհի Ավանեսյանի համար ոճափոխությունը սովորական բան է, ու ամեն անգամ նա դա անում է կտրուկ ձեւով: Եթե մի քանի ամիս առաջ շեկ գանգրահերը վերածվել էր կարմրահերի, այժմ նա հրաժարվել է գանգուրներից` ընտրելով կարճ սանրվաքը, իսկ կարմիր գույնը փոխարինել է վառ մանուշակագույնով:

Իրինա Այվազյան

Դերասանուհի Իրինա Այվազյանին եւս խորթ չեն ոճային փոփոխությունները, բայց նախկինում դրանք հիմնականում սահմանափակվում էին մազերի գույնի փոփոխությամբ: Օրերս, սակայն, Իրինան հրաժարվել է երկար վարսերից` նախընտրելով 2021-ի ամենորաձեւ սանրվածքներից մեկը` «խայտաբղետ» բոբը:

Անյա Սահակյան

Եթե Իրինան ու Սրբուհին այս շրջանում հրաժեշտ են տվել երկար վարսերին, դերասանուհի Անյա Սահակյանն արել է ճիշտ հակառակը` նա իր կարճ սանրվածքը փոխարինել է աֆրո գանգուրներով, որոնք եւս այս տարի բավական թրենդային են:

Աննա Դեմիրխանյան

Մոդել Աննա Դեմիրխանյանը հաճախ աչքի է ընկնում դասական սանրվածքներով: Մոդելին, սովորաբար, տեսնում ենք ուղիղ հարդարված մազերով, բայց նրա վերջին ֆոտոշարքից պարզ է դառնում, որ այս շրջանում նա փորձարկել է միշտ մոդայիկ ու հետաքրքիր համարվող աֆրիկյան հյուսքերը:

Մաշ Իսրաեյան

Երգչուհի Մաշ Իսրաելյանը հայտնի է իր նրբագեղ կերպարով, բայց օրերս նա եւս որոշել է հետաքրքրություն մտցնել իր ոճում` նրբագեղ գեղեցկուհուց վերածվելով «վայրի» գեղեցկուհու: Երգչուհին եւս իր ալիքները փոխարինել է աֆրիկյան հյուսքերով:

Լուսանկարները` հայտնիների ինստագրամյան եւ ֆեյսբուքյան էջերից