Յանա Ռուդկովսկայան որդուն վիրավորողներին պատժի ենթարկելու համար պատրաստ է նվաստացման
17:17 24 հունվարի, 202146-ամյա երաժշտական պրոդյուսեր Յանա Ռուդկովսկայան պատրաստ է ցանկացած նվաստեցման, որպեսզի պատժի 8-ամյա Սաշա Պլյուշչենկոյին (նաեւ հայտնի է որպես Գնոմ Գնոմիչ) նեղացնողներին: Նախօրեին տղային նշանակել են դատահոգեբուժական փորձաքննություն։ Այն պետք է ցույց տա, թե ինչպես է Ռուդկովսկայայի եւ Պլյուշչենկոյի ժառանգը հոգեկան տրավմա ստացել այն բանից հետո, երբ ինտերնետ-պարբերականներից մեկը նրա հասցեին կեղտոտ զրպարտություններ է հրապարակել:
«Գնում ենք փորձաքննության, որպեսզի այդ մարդիկ ամենախիստ պատիժը կրեն։ Ես պատրաստ եմ նույնիսկ այդ նվաստացումներին, որպեսզի հասնեմ արդարության։ Դատավորը պետք է հասկանա, որ երեխային զրպարտել են։ Դրա համար էլ հոգեբանները կատարել են փորձաքննություն, եւ այժմ մենք դատաբժշկական փորձաքննություն ենք անցնելու։ Մենք պատրաստ ենք դրան գնալ, որպեսզի դատավորը ոչ մի հարց չունենա», - հայտարարել է Ռուդկովսկայան։
«Ամբողջ աշխարհը հասկանում է, որ դա զառանցանք է, բայց մենք կգնանք փորձաքննության, որ ամեն ինչ լինի օրենքի շրջանակներում: Եվ որպեսզի հետո ոչ ոք չկարողանա ասել, որ Սաշա Պլյուշչենկոն առողջ չէ: Հետեւաբար, փորձաքննությունն անհրաժեշտ է: Ավելին, ես ինքս պնդում էի, որ դատարանի եւ հետաքննության շրջանակներում մենք բացարձակ զրպարտության ապացույցներ ունենանք լրագրողի եւ նրանց կողմից, ովքեր դա պատվիրել են», — հավելել է Ռուդկովսկայան, որը մեջբերում է «Կոմսոմոլսկայա պրավդան»: