Սլաքները վերադարձել են նորաձեւություն, իսկ անփայլ (matt) տոները դարձել անտիթրենդ. Դիանա Տոնոյանը՝ 2021-ի ամենատարածված make up թրենդների մասին (ֆոտո)
17:16 26 հունվարի, 20212020-ին անտիթրենդ դարձած սլաքները (eyeliner) 2021-ին վերադառնում են նոր շնչով: Տարբեր հաստությամբ եւ ուրվագծերով արված սլաքներն այս տարվա դիմահարդարման ամենատարածված թրենդներից են:
Թե դիմահարդարման էլ որ միտումներն են նորաձեւ, եւ որոնք՝ անտիթրենդ, NEWS.am STYLE-ը պարզել է դիմահարդար Դիանա Տոնոյանից:
«Այս տարի շատ մոդայիկ են լայն սլաքները: Դրանք աչքերին տալիս են առեղծվածային տեսք եւ վիզուալ բարձրացնում են հայացքը: Դրանց լայնությունն այնքան տպավորիչ է, որ կարող են ծածկել, գրեթե, ամբողջ վերին կոպը»,-ասում է Դիանան՝ խորհուրդ տալով չխուսափել նաեւ գծել գունավոր սլաքներ:
«Դասական սեւ գույնին ավելացվում է պայծառ eyeliner-ը: Ինչ վերաբերում է շուրթերին՝ շատ նորաձեւ է օմբրե (երկգույն) տարբերակը: Առանց հստակ ուրվագծի օմբրեի էֆեկտն էլ ավելի նկատելի դարձնելու համար խորհուրդ է տրվում աչքերն ընդգծել չեզոք ոճով: Այդպիսով, շուրթերն իրենց վրա կվերցնեն ամբողջ ուշադրությունը»:
Անդրադառնալով այս տարի դիմահարդարման մեջ թրենդային համարվող երանգներին՝ Դիանան առանձնացրեց մուգ կարմիրը, կարմիրն ու նարնջագույնը:
«Իսկ անփայլ տոնն (matt) ու արտահայտիչ կոնտուրինգն այս տարի անտիթրենդ են համարվում»,-նշեց դիմահարդարը:
Սյունե Առաքելյան
Լուսանկարները՝ Pinterest, Instagram/@maryphillips, aelida.com, Դիանա Տոնոյանի ինստագրամյան էջից