Քանյե Ուեսթն արտասովոր լուռ է եղել վերջին շաբաթների ընթացքում, երբ հունվարի սկզբին հայտնի է դարձել նրա ու Քիմ Քարդաշյանի բաժանման մասին։ Նախորդ ամիս լուրեր էին պտտվում, որ Քարդաշյանն ո Ուեսթը սկսել են ամուսնության հարցերով խորհրդատվության գնալ, սակայն տեղեկություններ տարածվեցին, որ նրանք նույնպիսի արագությամբ հրաժարվել են դրանցից։
Այժմ արդեն տեղեկություններ կան, որ Ուեսթը հավաքում է իր իրերը, մասնավորապես մարզակոշիկները։ Page Six-ի (լրատվամիջոցը, որն առաջինն է հայտնել բաժանման մասին) տեղեկություններով՝ Ուեսթը զբաղված է եղել տնից իր իրերը դուրս բերելով այն ժամանակ, երբ Քադաշյանն ընտանիքի հետ գտնվում է Թերքս և Կայկոս կղզիներում։
Պարբերականի աղբյուրները հայտնում են, որ Ուեսթը Կալաբասասում գտնվող առանձնատունը լքել է 500 մարզակոշիկով։ «Երկուսն էլ զգում էին, որ առանց իրենց տանը նվազ դրամատիկ կլիներ»,- հայտնել է աղբյուրը։
Հունվարի 5-ին «Page Six»-ը հայտնել է, որ Քարդաշյանի եւ Ուեսթի ամուսնալուծությունն «անխուսափելի» է։
Լուսանկարը՝ Getty Images