Moa Paris ապրանքանիշի՝ տարածաշրջանի առաջին խանութը Dalma Garden Mall-ում (ֆոտոռեպորտաժ)
18:25 14 սեպտեմբերի, 2013Երեւանի Dalma Garden Mall առեւտրի կենտրոնում այսօր՝ սեպտեմբերի 14-ին, բացվել է կանացի աքսեսուարների Moa Paris խանութը: Այն առաջինն է ամբողջ Անդրկովկասում:
Ապրանքանիշի ստեղծման պատմության, գնային քաղաքականության եւ Երեւանում ճանաչվածության մասին NEWS.am STYLE-ի թղթակցին որոշ մանրամասներ ներկայացրեց խանութի տնօրեն Սուրեն Բարսեղյանը:
«Ֆրանսիական Moa Paris ապրանքանիշն ավելի քան 100 խանութ ունի աշխարհի 20 երկրում: Տարածաշրջանում առաջինը բացվեց Հայաստանում: Մի քանի տարվա ընթացքում ծրագրում ենք բացել եւս 8-10 խանութ»,- նշեց տնօրենը:
Նրա խոսքով, Moa Paris-ի երեւանյան հաջորդ խանութը բացվելու է շուրջ 2 ամիս անց, Yerevan Mall առեւտրի կենտրոնում:
Ս.Բարսեղյանը նշեց նաեւ, որ խանութի տեսականին նախատեսված է տարբեր տարիքի կանանց համար, որակը համապատասխանում է եվրոպական չափանիշներին, իսկ գները բավական մատչելի են:
NEWS.am STYLE-ի թղթակիցը շրջեց խանութում եւ ուսումնասիրեց գները: Օրինակ՝ գեղեցիկ բիժուտերիա կարելի է գնել 2.000-ից մինչեւ 5.000 դրամով: Արեւային ակնոցների միջին արժեքը 7.400 դրամ է, կոշիկների գինը տատանվում է 26.000-30.000 դրամի սահմաններում:
Խանութի տեսականին ուշադրություն է գրավում վառ, նուրբ ճաշակով եւ եվրոպական ապրանքանիշերին հատուկ պարզությամբ:
Moa Paris ապրանքանիշը ստեղծվել է 2002 թվականին, Փարիզում: Այն խանութներ ունի աշխարհի բազմաթիվ երկրներում, այդ թվում՝ Սաուդյան Արաբիայում, Ֆրանսիայում, Իտալիայում, Իսպանիայում, Ռուսաստանում եւ այլուր, իսկ հիմա արդեն՝ նաեւ Հայաստանում:
Լիլիթ Պետրոսյան
Լուսանկարները՝ Արսեն Սարգսյանի