Քիմ Քարդաշյանը սիրահարների օրը կանցկացնի Քանյե Ուեսթից առանձին

Սուրբ Վալենտինի օրը Քիմ Քարդաշյանն ու Քանյե Ուեսթը առանձին կանցկացնեն։ Այս մասին առնվազն պնդում են People ամսագրի անանուն աղբյուրները։ Այժմ ամուսինները գտնվում են ամուսնալուծության գործընթացում եւ գրեթե դադարել են շփվել: Նույնիսկ լուրեր էին պտտվում, որ Քանյեն Լոս Անջելեսի արվարձանում գտնվող իրենց տանից դուրս է բերել իր բոլոր իրերը եւ դադարել է ամուսնական մատանի կրել։ Աղբյուրի խոսքով՝ Քիմը փետրվարի 14-ին կտոնի երեխաների եւ ընտանիքի հետ:

Նա սիրում է անակնկալներ մատուցել եւ այդ օրվա համար ինչ-որ հատուկ բան է պատրաստում։ Նա չի շփվում Քանյեի հետ եւ արդեն հստակ կենտրոնացած է իր ապագայի վրա:

Հիշեցնենք, որ Հոլիվուդի եւ համացանցի ամենահայտնի զույգի բաժանման մասին լուրը հնչել է ամանորյա տոների ժամանակ: Այս մասին առաջինը հայտնել է Page Six-ը՝ վկայակոչելով բազմաթիվ «ստուգված աղբյուրների»։ Նրանց տեղեկություններով՝ ռեալիթի-շոուի աստղը վարձել է փաստաբան Լորա Վասերին, որը ժամանակին զբաղվել է Բրեդ Փիթի եւ Անջելինա Ջոլիի ամուսնալուծության գործընթացով, համագործակցել է Հայդի Քլումի, Ռայան Ռեյնոլդսի, Քրիստինա Ագիլերի, Հիլարի Դաֆի եւ այլ աստղերի հետ: Քիմն ու Քանյեն սուրբծննդյան արձակուրդներն արդեն առանձին են անցկացրել։ Անանուն աղբյուրների տվյալներով՝ ամուսնալուծությունից հետո Քանյեն մտադիր է տեղափոխվել Լոնդոն եւ զարգացնել իր Sunday Service Choir նախագիծը Եվրոպայում, իսկ Քիմը, որը պատրաստվում է վաճառել Լոս Անջելեսում նրանց տունը, ցանկանում է խորանալ իրավագիտության մեջ:

Աղբյուրը՝ Hello

Լուսանկարները՝ Instagram