Իննա Խոջամիրյանը հայկական հեռուստաեթերի ամենաքննարկվող դերասանուհիներից է: Հեռուստադիտողին հետաքրքրում են ոչ միայն դերասանուհու կերպարները, այլեւ հենց նրա անձնական կյանքն ու նախասիրությունները: NEWS. am STYLE-ի «20 փաստ հայտնիների մասին» խորագրի շրջանակում փորձել ենք պարզել Իննայի մասին մի քանի հետաքրքիր մանրամասներ, որոնք կհետաքրքրեն դերասանուհու հետեւորդներին:
Իննա, առավոտդ սկսվում է...
ԱՄՆ-ից վերադառնալուց հետո առավոտս կեսօրին է սկսում: Ռեժիմների փոփոխությունից դեռ ուշքի չեմ եկել:
Սնունդ կամ ըմպելիք, առանց որի չես պատկերացնում օրդ:
Սուրճ:
Կերակուր, որը տանել չես կարողանում:
Այդպիսի կերակուր չկա: Սոխ չեմ ուտում միայն:
Հասակդ ու քաշդ:
Հասակս` 168 սմ, քաշս` 51 կգ:
Բնավորությանդ ամենալավ ու ամենավատ գծերն` ըստ քեզ:
Ինտրովերտ եմ, ու հիշաչար:
Բնավորությանդ ամենալավ ու ամենավատ գծերն` ըստ շրջապատիդ:
Այդ հարցը ընկերներիս պիտի տաք:
Քո ամենասիրելի դերը:
Էլենս:
Ի՞նչ ֆոբիաներ ունես:
Հիդրոֆոբիա, անտանելի բան է:
Ամենախենթ քայլը, որ երբեւէ արել ես:
Ես խենթ եմ, ինչ անում եմ այս կյանքում` խենթություն է:
Ամենանյարդայնացնող քոմենթը, որը վերջերս կարդացել ես:
«Դո՞ւ էլ թողեցիր թռար երկրից»:
Ըստ քեզ` ո՞րն է եղել ամենահաջող եւ ո՞րը` ամենաանհաջող ոճափոխությունը, որը երբեւէ կատարել ես:
Հաջողը չգիտեմ, հարաբերական է: Անհաջողը երեւի նարնջագույն մազերս էին, չհարմարվեցի:
Արտաքինումդ ի՞նչն ես ամենից շատ սիրում:
Աչքերս:
Կյանքում ի՞նչ երբեք չես անի:
Ծեծված, բայց միշտ ակտուալ խոսք կա` երբեք մի ասա «երբեք»:
Երեք իր, որ պարտադիր վերցնում ես տնից դուրս գալիս:
Բանալիներ, օծանելիք, դրամապանակ:
Գույն, որը լավագույնս բնորոշում է քեզ:
Կարծում եմ` կարմիրը:
Հայաստանում ամենասիրելի վայրդ:
Հայաստանն ինքնին իմ սիրելի վայրն է:
Վերջին անգամ ինչո՞ւ ես նեղվել:
Վերջին անգամը նոյեմբերի 9-ն էր: Նեղվելը մեղմ արտահայտություն է:
Քո ականջակալներում հաճախ հնչում է...
Ազնավուր, իհարկե...
Ունե՞ս բարդույթներ: Եթե այո, որո՞նք են:
Միայն խելագարները բարդույթներ չունեն: Չեմ կարող նշել:
Ամենաչսիրածդ հարցը, որ տալիս են:
Բա չե՞ս ամուսնանում:
Սյունե Առաքելյան
Լուսանկարները` Միլեն Մանուկյանի