Մարկ Ցուկերբերգը նոր ռեփ-հարթակ է մշակել

Facebook-ը նոր` Bars ռեփ հարթակ է մշակել, հայտնում է High Snobiety պարբերականը։ Ստեղծողները պնդում են, որ նոր սոցիալական ցանցը նման կլինի տիկտոկին։ Facebook-ը դեռ գործարկել է հավելվածի փակ բետա տարբերակը։ Այժմ օգտատերերը կարող են գրանցվել, որպեսզի պաշտպանեն իրենց օգտանունը եւ մինչեւ պաշտոնական մեկնարկը հերթում տեղ ստանան։

Bars-ի հիմնական առավելությունն այն է, որ հարթակն առաջարկում է մասնագիտորեն ստեղծված բիթեր եւ թույլ է տալիս ստեղծել 60 վայրկյանանոց ռեփ-տեսանյութեր: Բացի այդ, հավելվածում ներկայացված են վոկալային մի քանի էֆեկտներ եւ հանգերի բառարան բոլոր նրանց համար, ովքեր գրանցման ժամանակ նշում են, որ սկսնակ են։

Facebook's BARS is an experimental TikTok-like app for rappers https://t.co/FBCVJOtN6o pic.twitter.com/CNkFwzKM9V

— Engadget (@engadget) February 27, 2021

Նրանց համար, ովքեր իրենց համարում են պրոֆեսիոնալ ռեփերներ, ստեղծվել է մի գործառույթ, որը տալիս է ութ պատահական բառ, ինչն էլ կարելի է վերածել ռեփի։ Այնուհետեւ օգտվողները կարող են հրապարակել իրենց տեսանյութը տիկտոկի ոճով։

Հավելվածի մշակողները կարծում են, որ այն լավ միջոց է առանց պրոֆեսիոնալ սարքավորումների հասանելիության աշխատելու համար։ «Ես գիտեմ, որ սկսնակ ռեփերների համար կարող են սահմանափակ լինել ձայնագրման թանկարժեք ստուդիաները եւ պրոֆեսիոնալ սարքավորումների հասանելիությունը։ Ինչպես նաեւ կորոնավիրուսի գլոբալ պանդեմիան սահմանափակել է կենդանի ելույթների քանակը, որոնցում մենք հաճախ ենք կիսում մեր երաժշտությունը», - ասել է Facebook-ից DJ Iyler-ը:

Հիշեցնենք, որ ավելի վաղ հայտնի էր դարձել, որ Facebook-ը կդադարի քաղաքական կոնտենտի առաջխաղացումը։ Մարկ Ցուկերբերգը կարծում է, որ սոցցանցը պետք է մերձեցնի մարդկանց, այլ ոչ թե հակառակը։