Ռուսական «ТНТ» հեռուստաալիքի «Музыкальная интуиция» նոր շոուի երրորդ թողարկման ժամանակ հայտնի երգիչ Եգոր Կրիդը ոչ միայն գովեստի խոսքեր շռայլեց հաղորդաշարին մասնակցած մեր հայրենակցին՝ Վահագնին, այլեւ ցուցադրեց հայերենի իր գիտելիքները:
«Музыкальная интуиция» հաղորդաշարը թիմային մրցույթ է, միմյանց դեմ խաղում են ռուսական շոու-բիզնեսի հայտնի դեմքերը. նրանք բաժանվում են երկու թիմերի, եւ յուրաքանչյուր թիմ պետք է գուշակի, թե իրենց առջեւ կանգնած տասը մասնակիցներից ովքեր են կարողանում երգել, ովքեր՝ ոչ:
Հաղորդման երրորդ էպիզոդում միմյանց դեմ մրցում էին Եգոր Կրիդի եւ Բաստայի թիմերը, իսկ հայ տիկտոկեր Վահագնը մասնակիցների մեջ էր: Երբ էկրանին հայտնվեց Վահագնի մասին պատմող փոքրիկ հոլովակը, Եգոր Կրիդը միանգամից շեշտեց՝ «Հայերը երգող ազգ են, կարծում եմ՝ Վահագնը երգում է»:
Հայ մասնակիցը «հուսախաբ չարեց» Կրիդի թիմին` փայլուն կատարելով Ռամիլի «Сияй» երգը: Վահագնի կատարումից հետո Կրիդը, նույնիսկ, սկսեց հայերեն խոսել. «Ախպեր, բարեւ Ձեզ, ի՞նչ կա-չկա, брат»:
Վահագնի կատարումը ու Կրիդի հայերենը՝ տեսանյութում: