Դերասան Մարկ Բոգատիրյովը, որը հեռուստադիտողին հայտնի է «Խոհանոց» սերիալում կատարած դերով, Instagram-ում հայտնել է, որ առաջի անգամ հայր է դարձել. նրա կինը՝ Տատյանա Արնտգոլցը, լույս աշխարհ է բերել որդուն։ «Տանը երջանկություն է տիրում։ Որդիս ծնվել է։ Բոգատիրյով Դանիլա Մարկովիչ»,- գրել է դերասանը։
Լուսանկարը, որում երջանիկ հայրիկը գրկել է փոքրիկին, Մարկը հրապարակել է կնոջ՝ Տատյանայի ծննդյան օրը. նա այսօր 39 տարեկան է դառնում։
Մեկնաբանություններում հետեւորդներն այդ ուրախալի իրադարձության առիթով շնորհավորել են ծնողներին, իսկ փոքրիկ Դանիլային մաղթել են «առողջ ու երջանիկ» մեծանալ։
View this post on Instagram
Այն մասին, որ Տատյանա Արնտգոլցը դեկրետային արձակուրդում է, հայտնի է դարձել նախորդ տարվա դեկտեմբերին։ Տեղեկատվություն հաստատել էր «Սպասիր ինձ» հաղորդման վարող, նրա գործընկեր Ալեքսանդր Լազարեւ կրտսերը։
Մարկն ու Տատյանան միասին են 2018թ․-ից։ Նրանք ամուսնացել են նախորդ տարվա աշնանը, սակայն երկար ժամանակ այդ փաստը գաղտնի են պահել։
Փոքրիկը դերասանուհու երկրորդ երեխան է, նա դուստր ունի՝ Մարիան, որը լույս աշխարհ է եկել դերասան Իվան Ժիդկովի հետ ամուսնության ընթացքում։