«Նրան ու մայրիկին եմ տվել ամենը». Վիտալին Գոգունսկին պարզաբանել է, թե ինչու դստերն ալիմենտներ չի վճարել

Դերասան Վիտալի Գոգունսկին արձագանքել է նախկին սիրելիի մեղադրանքներին․ որ խուսափում է ալիմենտներ վճարել։ 2019թ․-ի գարնանը դերասան Վիտալի Գոգունսկին բաժանվել է կնոջից՝ Իրինա Մաիրկոյից։ Նրան դուստրը՝ Միլանան, որն այդ պահին 9 տարեկան էր, շարունակել է ապրել մայրիկի հետ։

Երեխայի մայրը նախկին ընտրյալին հրապարակային մեղադրել է ագրեսիվ պահվածքի եւ դստերը՝ Միլանային տեսնել չցանկանալու համար, որը ծնողների թեթեւ ձեռքով իսկական աստղ է դարձել. նա երգում է ու արդեն իսկ առաջին հաջողություններն է գրանցում բեմում։ Իրինան նաեւ բազմաթիվ անգամներ նշել է, որ նախկին սիրելին խուսափում է ալիմենտներ վճարել։ Վիտալին հայտնել է, թե ինչու է այդպես ստացվել։

«Այո, ես ալիմետներ չեմ վճարել։ Ես դստերս ու նրա մորը չեմ վճարել նախատեսված 25 տոկոսը, այլ տվել եմ ամենը։ Հիմա դրա առնչությամբ խորհրդակցում եմ փաստաբանների հետ եւ ցանկանում եմ, որ ամեն ինչ օրենքով լինի։ Այնպես որ շուտով կորոշվեն վճարումների կարգն ու գումարը։ Գուցե, ես էլի ինչ-որ բան պետք է անեմ, անկախ նրանից, որ Իրինային եմ թողել բնակարանը, տվել եմ բոլոր ռեսուրսներն ու էներգիան։ Հիմա Իրինայի ու դստերս մոտ ամեն ինչ լավ է, ինչպես տեսնում ենք։ Բայց եթե ես պետք է նաեւ ալիմետներ վճարեմ, հաճույքով կանեմ դա»,- «Ռոսիա 1» հեռուստաալիքով հեռարձակվող «Судьба человека» հաղորդման ընթացքում հեգնանքով ասել է 42-ամյա Գոգունսկին։

Անկախ անձնական կյանքում խնդիրներից Վիտալին ձգտում է չկորցնել լավատեսությունն ու խորհուրդ է տալիս մյուսներին հետեւել իր օրինակին։

Լուսանկարները՝ Instagram