Երկրպագուները կասկածում են, որ Ջենիֆեր Էնիսթոնն ու Բրեդ Փիթը գաղտնի սիրավեպ ունեն

Երկրպագուները կասկածում են, որ դերասաններ եւ նախկին ամուսիններ Ջենիֆեր Էնիսթոնն ու Բրեդ Փիթը գաղտնի սիրավեպ ունեն։

16 տարի առաջ Ջենիֆեր Էնիսթոնը դիմել է Բրեդ Փիթից ամուսնալուծվելու համար՝ որպես պատճառ նշելով «անհարթելի տարաձայնությունները»։ Դա տեղի է ունեցել դերասանի եւ «Միստեր եւ միսիս Սմիթ» ֆիլմում նոր գործընկեր Անջելիա Ջոլիի սիրավեպի մասին լուրերի տարածումից երկու ամիս անց, որն ավելի ուշ դարձավ նրա կինը։ Սակայն 2016թ․-ին նրանց ամուսնալուծությունից հետո Բրեդն ու 52-ամյա Ջենիֆերն, ըստ լուրերի, մտերմացել են։

Շատ երկրպագուներ կարծում են, որ Ջենի վերջին սելֆիում, որն արվել է «Առավոտյան շոու»-ի նկարահանումների ընթացքում, հենց Փիթն է։ Լուրերն ավելի են թեժացրել Deuxmoi-ի օգտատերերը՝ հայտնելով, որ Բրեդին, որը նկարահանվում է «Ճապընթաց գնացք» ֆիլմում, նկատել են Ջենի սերիալի նկարահանման հրապարակում։  

Us Weekly-ի տեղեկություններով՝ նախկին ամուսինները գաղտնի հանդիպել են, ընդ որում, աղբյուրը պնդում է, որ նրանք «համավարակի ընթացքում շատ են շփվել, խոսել են հեռախոսով ու Zoom-ով»։ «Բրեդն իրեն վատ էր զգում ամենի պատճառով, ինչի միջով Ջենին ստիպել է անցնել, սակայն նրանք որոշ ժամանակ աշխատել են իրենց խնդիրների վրա ու զրոյից սկսել։ Որքան շատ էին նրանք խոսում, այնքան հասկանում էին, թե ինչքան են կարոտել միմյանց որպես ընկերներ»,- հայտարարել է ինսայդերը։ Ասում են, որ նրանց միջեւ լուրջ կայծ կա, սակայն նրանք չեն ցանկանում վնասել ընկերությանը, որի վրա այդքան ջանասիրաբար աշխատել են։ Սակայն հավերժ չի կարող այդպես լինել։

Ի դեպ, ե՛ւ Բրեդը, ե՛ւ Անջելինան միշտ հերքել են ռոմանտիկ կապի մասին տեղեկությունները, մինչ նա Ջենիֆերի հետ է եղել։ «Ես նրան կսիրեմ ամբողջ կյանքումս։ Նա ֆանտաստիկ մարդ է»,- 2005թ․-ին Vanity Fair-ին տված հարցազրույցում ասել է Էնիսթոնը։