Disney-ը գլխավոր դերակատար Արմի Համերի հասցեին սեռական բռնության մեղադրանքների պատճառով հետաձգել է «Մահը Նեղոսի վրա» ֆիլմի պրեմիերան

Disney կինոընկերությունը հետաձգել է «Մահը Նեղոսի վրա» ֆիլմի թողարկման օրը․ պատճառը ժապավենի գլխավոր դերակատար Արմի Համերի հասցեին սեռական բռնության մեղադրանքներն են։ Ժապավենը, որը նկարահանվել է Ագաթա Քրիստիի համանուն վեպի հիման վրա, կթողարկվի 2022թ․-ի փետրվարին։ Բացի Համերից՝ գլխավոր դերերը կատարել են Քեննեթ Բրանը, Գալ Գադոթը եւ Լետիշա Ռայթը։

Լոս Անջելեսի ոստիկանությունն արդեն իսկ սկսել է հետաքննել բռնաբարության մեղադրանքները, որոնք առաջադրել են դերասանի դեմ Էֆի անունով կնոջ կողմից։ Տուժողի խոսքով՝ 2017թ․-ի ապրիլին Համերը չորս ժամ բռնության է ենթարկել իրեն, գլուխը հարվածել պատին։ «Ես փորձում էի փախչել, սակայն նա թույլ չէր տալիս։ Ես կարծում էի, որ նա կսպանի ինձ։ Հետո նա հեռացավ՝ նույնիսկ չմտածելով, թե ինչ կլինի ինձ հետ»,- պատմել է Էֆին։

Համերը հերքում է մեղադրանքները։ Դերասանի փաստաբանը հայտարարել է, որ Համերն իր պահվածքը նախապես համաձայնեցնում է սեռական զուգընկերների հետ։ Արմիի անձնական կյանքն արդեն վաղուց գրավում է հանրության ուշադրությունը․ համացանցում հայտնած անձնական նամակագրությունում, որը Համերը վարել է անծանոթ աղջկա հետ, 34-ամյա դերասանը խոստովանում է, որ ցանկանում է ճաշակել նրա համը (բառացիորեն), իսկ հետո իրեն կանիբալ է անվանում։

Համացանցում նամակագրության հրապարակումից հետո դերասանի մի քանի նախկին ընկերուհիներ պատմել են կանիբալիզմի թեմայով նրա երեւականությունների եւ նրա կողմից ֆիզիկական բռնության մասին։ Դերասանի նախկին կինը՝ Փեյջ Լորենցը, կարծում է, որ Համերին դուր է գալիս կանանց ցավ պատճառել, եւ նա լուրջ վտանգ է ներկայացնում․ «Ես ցանկանում են հանրայնացնել այս պատմությունը, քանի որ ԲԴՍՄ-ը եւ ոչ նորմատիվ սեռական պրակտիկան կարող են միայն թաքնվելու միջոց լինել տղամարդկանց համար, որոնք ցանկանում են կանանց ցավ պատճառել։ Իսկ ես կարծում եմ, որ Արմին, իսկապես, կանանց ցավ պատճառելու ցանկություն ունի»,- հայտարարել է Լորենցը։

Սկանդալի պատճառով Արմին արդեն իսկ դուրս է մնացել երկու նախագծից՝ «Shotgun Wedding» ֆիլմից, որում նա պետք է խաղար Ջենիֆեր Լոպեսի հետ եւ «Առաջարկություն» սերիալից, որը նվիրված է «Կնքահայրը» եռերգության ստեղծման պատմությանը։ Համերը պնդում է, որ համացանցում հայտնված նամակագրությունը կեղծված է, նա հրապարակված հաղորդագրություններն անվանել է չարակամ ու սուտ առանց հարձակում։