Բրեդ Փիթն ու Անջելինա Ջոլին 1-ական միլիոն դոլար են ծախսել ամուսնալուծության գործընթացի համար
11:17 3 ապրիլի, 2021Բրեդ Փիթը եւ Անջելինա Ջոլին հինգ տարվա ընթացքում 1-ական միլիոն դոլար են ծախսել ամուսնալուծության գործընթացի եւ խնամակալության մասին դատարանների համար։ Այս մասին հաղորդում է Daily Mail-ը՝ վկայակոչելով սեփական աղբյուրին:
Աղբյուրները ենթադրում են, որ ամուսնալուծությունը կարող է տեւել եւս վեց տարի:
Նախկին ամուսինները դեռեւս համաձայնության չեն եկել, թե ինչպես պետք է կիսեն իրենց բազմամիլիոնանոց կարողությունը եւ դաստիարակեն վեց երեխաներից անչափահաս հինգին:
Ջոլին ապահարզանի գործընթացը սկսել է 2016թ․-ի սեպտեմբերին։ Երբ զույգը բաժանվել է, ոստիկանությունը եւ խնամակալության ներկայացուցիչները ապացույցներ չեն գտել, որ Բրեդ Փիթը բռնություն է գործադրել երեխաների նկատմամբ:
Փիթը եւ Ջոլին վեց երեխա ունեն՝ 19-ամյա Մեդդոքսը, 17-ամյա Պաքսը, 16-ամյա Զախարան, 14-ամյա Շայլոն եւ 12-ամյա երկվորյակներ Նոքսը եւ Վիվյենը:
Աղբյուրը՝ Gazeta.ru
Լուսանկարները՝ GettyImages