Ռուսական «Առաջին ալիքի» հաղորդավարուհին ծանրաձողով հարված է ստացել գլխին
20:16 9 ապրիլի, 2021«Առաջին ալիքի» հաղորդավարուհի Ալլա Միխեեւան «Вечерний Ургант» շոուի նկարահանումների ընթացքում ծանրաձողով գլխին հարված է ստացել։ Տեսագրությունը հրապարակվել է Instagram-յան էջում։
Միխեեւան ռեպորտաժ էր նկարահանում Եվրոպայի ծանր ատլետիկայի առաջնությունից, որն այս տարի անց է կացվում Մոսկվայում։ Հոլովակում նա մոտենում է մրցավար Ալեքսանդր Դմիտրիեւին եւ խնդրում իրեն ցույց տալ ծանրաձողի բարձրացման տեխնիկան։
Посмотреть эту публикацию в Instagram
Տաբատ, վերնաշապիկ եւ փողկապ կրող տղամարդը նախ բարձրացնում է ծանրաձողն ու այն պահում գլխավերեւում, ապա իջեցնում։ Այդ պահին Մախեեւն անցնում է տարածքով, ինչի արդյունքում ծոծրակին հարված է ստանում։
Հոլովակի մեկնաբանություններում Միխեեւան գրել է. «Առաջ եւ հետո»։ Մեկնաբանություններում հետեւորդներից շատերը հաղորավարուհուն առողջություն են մաղթել, նրանց մի մասը խոստովանել է, որ թեեւ միջադեպը Միխեեւայի համար տհաճ էր, իրենց շատ է ծիծաղեցրել։