Լարիսա Դոլինայի հետ սկանդալում Ռիտա Դակոտան պաշտպանել է Վալյա Կառնավալին

Երգչուհի Ռիտա Դակոտան մեկնաբանել է Լարիսա Դոլինայի եւ 19-ամյա Վալյա Կառնավալի կոնֆլիկտը, որը նրանց միջեւ տեղի է ունեցել YouTube-ի «Музыкалити» շոուի շրջանակներում: Այնտեղ երգչուհիները վիճում էին երաժշտության մեջ ինքնարտահայտման իրավունքի մասին՝ առանց համապատասխան կրթության։

«Դոլինան մեծություն է։ Դա անվիճելի է։ Բայց, այդ հաղորդման ժամանակ, ակնհայտորեն, առաջինն ինքն է հարձակում գործում։ Դա շատ կոպիտ էր, նույնիսկ, եթե որոշ առումով նա ճիշտ էր։ Միեւնույն է, իմ կարծիքով չափից դուրս էր։ Պետք է ավելի հանդուրժելի լինել, ավելի մարդասիրական», -  իր Instagram-ում արտահայտվել է երգչուհին։

Ավելի ուշ Ռիտա Դակոտան որոշել է շարունակել այս թեմայի քննարկումը եւ գրառում է կատարել, սակայն հետեւորդների մեկնաբանությունները ի օգուտ կառնավալի չէին։ «Իմ կարծիքով, ակնհայտ է, որ Դոլինայի ուղերձը ոչ թե այն մասին է, որ առանց կրթության մարդիկ իրավունք չունեն զբաղվել երաժշտությամբ, այլ այն մասին, որ ցանկացած մասնագիտության մեջ պետք է զարգանալ», «Ես Դոլինայի կողից եմ։Յուրաքանչյուրը պետք է զբաղվի իր գործով։ Ֆուտբոլային ակումբի մարզիչը չի կարող բալետ բեմադրել»։

Հիշեցնենք, որ «Музыкалити» թողարկումը կարող էր ավարտվել արդեն երկրորդ ստեղծագործությունից հետո։ Դոլինան չի դիմացել եւ պատրաստ է եղել նկարահանման ժամանակ լքել ստուդիան։ «Ինձ համար անհետաքրքիր ու տհաճ է։ Սա ինձ համար պարզապես պանոպտիկում է։ Զրույց մի աղջկա հետ, ով ոչինչ չգիտի երաժշտության մասին, հավակնում է աստղ դառնալ, ասում է, որ նա արդեն աստղ է, չիմանալով ոչ մի նոտա», - հայտարարել է երգչուհին։