«Պարող միլիոնատիրոջ» դստերը, որը ծնվել է «գայլի երախով», վիրահատել են
14:34 16 ապրիլի, 2021«Պարող միլիոնատեր» Ջանլուկա Վակիի դուստրը լույս ախարհ է եկել նախորդ տարվա դեկտեմբերին։ Նրա լույս աշխարհ գալուց կարճ ժամանակ անց ծնողները խոստովանել են, որ փոքրիկը բնածին պաթոլոգիա ունի. նա քիմի ճեղքվածք ունի, որն անվանում են նաեւ «գայլի երախ»։
Ամիսներ անց Վակին եւ նրա կինը հանգել են այն եզրակացության, որ երեխային վիրահատական միջամտություն է հարկավոր՝ թերությունը շտկելու համար։ «Այս շաբաթվա սկզբում մեր փոքրիկին վիրահատել են։ Ե՛ւ մեզ, ե՛ւ նրա համար շատ բարդ ու զգացմունքային շաբաթ էր։ Այն, որ մեր փոքրի երեխան այդքան լուրջ փորձություններով է անցնում, ինձ՝ որպես ծնողի, իսկապես, ցնցում է։ Մեր հրեշտակը չի դադրում զարմացնել ինձ։ Նա այնքան խիզախ էր, նուրբ ու հաճելի։ Հպարտանում եմ, որ նրա հայրն եմ։ Արցունքներն աչքերիս՝ դիմում եմ բոլոր ծնողներին, որոնք նմանատիպ փորձով են անցնում իրենց երեխաների հետ։ Հույս ունեմ՝ դուք միշտ պաշտպանված եք։ Մենք հիմա տանն ենք։ Մենք այնքան շնորհակալ ենք ու օրհնված»,- նշել է միլիոնատերը։
Փոքրիկն այժմ իրեն լավ է զգում։ Միլիոնատրրոջ հազարավոր հետեւորդները փոքրիկին շուտափույթ ապաքինում են մաղթել։ «Թող փոքրիկի մոտ ամեն ինչ լավ լինի», «որքան համարձակ աղջիկ է, նման է հայրիկին», «այսպիսի ծնողների հետ նրան երջանիկ ու երկար կյսնք է սպասվում», նշել են երկրպագուները։
Լուսանկարները՝ Instagram