Մահացել է Ջիմ Սթայնմանը` Սելին Դիոնի եւ Բոնի Թայլերի հիթերի հեղինակը

12:51   21 ապրիլի, 2021

74 տարեկանում կյանքից հեռացել է կոմպոզիտոր եւ երգերի հեղինակի Ջիմ Սթայնմանը, հայտնում է TMZ-ն։

«Meat Loaf», «Air Supply», Սելին Դիոնի եւ Բոնի Թայլերի հիթերի հեղինակը մահացել է ապրիլի 19-ին Կոնեկտիկուտում։ Մահվան պատճառները չեն նշվում, սակայն հայտնի է, որ մահվանից կարճ ժամանակ առաջ Սթայնմանի տուն շտապօգնություն են հրավիրել, եւ կոմպոզիտորին հոսպիտալացրել են։

Ջիմ Սթայնմանի կողմից ստեղծված ամենահայտնի հիթերից են Բոնի Թայլերի «Total Eclipse of the Heart»-ը, որը 1983թ․-ին երեք շաբաթ շարունակ զբաղեցրել է առաջին տեղը Billboard-ի թոփում, Բարի Մանիլոուի «Read 'Em and Weep»-ը, Սելին Դիոնի «It's All Coming Back To Me Now»-ը։

Երգահանն ու պրոդյուսերն աշխատում էր նաեւ Def Leppard-ի, Բարբարա Սթրեյզանդի, Բիլի Սքվայերի եւ The Sisters of Mercy-ի հետ։

Սթայմնանը 1981թ․-ին որպես երգիչ մեկ սկավառակ է թողարկել՝ «Bad for Good»։ Ի սկզբանե այդ նյութը պետք է ձայնագրեր Meat Loaf-ը։



© NEWS.am STYLE