Ուելսի արքայադուստր Դիանայի հարսանեկան զգեստը, որով նա 19 տարեկանում ամուսնացել է արքայազն Չարլզի հետ, ցուցադրության էքսպոնատ կդառնա, հայտնում է Daily Mail-ը։
Արքայադստեր երեխաները՝ Քեմբրիջի 38-ամյա դուքս Ուիլյամն ու Սասեքսի 36-ամյա դուքս Հարին, համաձայնել են մոր ամուսնական զգեստը տրամադրել «Royal Style In The Making» ցուցահանդեսի համար, որը կբացվի հունիսի 3-ին։
Ըստ պարբերականի՝ զգեստը կդառնա էքսպոզիցիայի գլխավոր մասը։ Դիզայներները Դեւիդ եւ Էլիզաբեթ Էմանուելներն են։
Զգեստի պատրաստման ընթացքում արքայադուստրը ստիպված է եղել 15 անգամ փորձի գնալ, քանի որ այդ շրջանում զգալիորեն նիհարում էր։ Այն ժամանակ զգեստը գնահատվել է ինքը հազար ֆունտը ստերլինգ, իսկ այսօր արժեքը հավասար է 35 000 ֆունտ ստերլինգի։