«Անտարբերությունը սպանում է». Գոհար Ավետիսյանը հայտնել է, թե ինչը պետք չէ հանդուրժել ամուսնության ընթացքում

15:01   28 ապրիլի, 2021

Հայտնի վիզաժիստ Գոհար Ավետիսյանն ամուսնացած է Սերգեյ Գրիգորյանի հետ, նրանք մեծացնում են որդուն՝ Գասպարին։ Բլոգերի ու վիզաժիստի համար այս միությունը երկրորդն է. նա առաջին ամուսնուց՝ Վահիկ Մարտիրոսյանից, բաժանվել է հարսանիքից երկու տարի անց։ Գոհարն այդ ժամանակ խոստովանել էր, որ ընտանիքում ռոմանտիկա չի եղել։

Պատասխանեով հետեւորդների հարցերին՝ Ավետիսյանը հայտնել է, թե ինչը չէր հանդուրժի ամուսնության ընթացքում։ Վիզաժիստը խոստովանել է, որ իր համար անտարբերությունից ավելի վատ բան չկա, երբ գիտակցում ես, որ սիրելիիդ համար միեւնույնն է։ «Ես դրա վերաբերյալ շատ մտքեր ունեմ… Բայց, թվում է՝ չկա ավելի վատ բան, քան զգացումը, երբ քեզ չեն սիրում ու չեն հարգում։ Հայտնվում է անտարբերություն, եւ այն սպանում է։ Իսկ դո՞ւք։ Ի՞նչը չէիք հանդուրժի»,- գրել է Ավետիսյանը։

Գոհարը նաեւ ամուսնու հետ գժտության լուրերի առիթ է տվել։ Ավետիսյանն ընտանիքի հետ հանգստի է մեկնել Մալդիվներ, սակայն Գրիգորյանը նրա հետ չէ։ Հետեւորդների հարցերին ի պատասխան Գոհարը պատասխանում է՝ կատակելով եւ տողեր հրապարակելով երգից. «И никого не надо нам»: Որոշ ժամանակ անց աստղը հրապարակում է արել՝ խոստովանելով, որ իր կյանքում հիմա խնդիրներ կան, որոնց մասին չի ցանկանում խոսել։  

«Միակ բանը, որ տարիների հետ եկավ, ավելի շատ լռելու ու քիչ խոսելու անսանձ ցանկությունն է։ Եվ ոչ թե այն պատճառով, որ վախենում ես ակեղծանալ մարդկանց առաջ։ Պարզապես ես ամեն անգամ ինքս ինձ ասում եմ՝ ինչու է հարկավոր ծանրաբեռնել մարդկանց։ Ես իմ բոլոր խնդիրներն ու դժվարությունները կրում եմ ներսումս»,- նշել է Ավետիսյանը։

Աղբյուրը՝ Kiz



© NEWS.am STYLE