Հրապարակվել են առաջին լուսանկարները «Գահերի խաղի» պրիքվելի նկարահանումներից

11:34   30 ապրիլի, 2021

«HBO» հեռուստաալիքը սկսել է «Վիշապի տուն» սերիալի նկարահանումները․ այն «Գահերի խաղի» պրիքվելն է, որը նվիրված է Թարգարիեն տան պատմությանը։ Daily Mail-ի նկարահանող խումբը ֆիքսել է նկարահանման ընթացքը երկու գլխավոր դերակատարների մասնակցությամբ՝ Մեթ Սմիթն ու Էմմա Դ՛Արսին։ Նրանք կմարմնավորեն արքայազն Դեյմոն Թարգարիենին եւ նրա կնոջը՝ Ռեյնիրային։ Աստղերը քայլում են ափին ու խոսում: Նրանք կեղծամ են կրում ու Միջնադարի ոճով կոստյումներ։ Սմիթը սեւ գույնի, երկար վերարկու է կրում եւ երկարաճիտներ, իսկ Դ՛Արսին՝ վառ կարմիր զգեստ։

Պարբերականը հայտնում է, որ այժմ նկարահանումներն անց են կացվում Մեծ Բրիտանիայում՝ Սենթ Մայքլս Մաունթ կղզում։ Այնտեղ միջնադարյան ամրոց կա, որտեղից գեղատեսիլ տեսարան է բացվում դեպի Հյուսիսային ծով։ Daily Mail-ը նշում է, որ շինությունը նման է Դուբրովկայում գտնվող ամրոցին, ուր նկարահանվել են «Գահերի խաղում» Սերսեայի մասնակցությամբ տեսարանները։   

Ըստ նախնական տեղեկատվության՝ «Վիշապի տունը» սերիալում կխաղան նաեւ Փեդի Կոնսիդայնը (թագավոր Վիզերիս), Օլիվիա Կուկը (նրա երկրորդ կինը՝ թագուհի Ալիսենտա Հայթաուեր)։

Սերիալի պրեմիերան, որը նկարահանվել է Ջորջ Մարտինին «Կրակ եւ արյուն» գրքի վրա, ծրագրված է 2022թ․-ին։ Գործողությունները զարգանում են «Գահերի խաղը» սերիալում ցուցադրված իրադարձություններից 300 տարի առաջ։



© NEWS.am STYLE