Պավել Պրիլուչնին պատմել է Մուցենիեցեից բաժանվելու ընթացքում նոպայի մասին
19:01 4 մայիսի, 2021Ռուսական կինոյի աստղ Պավել Պրիլուչնին հայտարարել է, որ Ագաթա Մուցենիեցեից բաժանվելու ընթացքում սրտի նոպա է ունեցել։ Դերասանի խոսքով՝ երկու տարի առաջ, երբ իր ամուսնությունը փլուզվել է, ինքը չափազանց շատ աշխատանք է ստանձնել, ինչը լրջորեն ազդել է իր ֆիզիկական վիճակի վրա։
Պրիլուչնին պատմել է, որ այդ ժամանակ միաժամանակ աշխատել է մի քանի նախագծում եւ երբեմն նկարահանվել է ջերմությամբ, ինչի արդյունքում «թոքերի հետ ինչ-որ խնդիրներ է ձեռք բերել»։
«Մի անգամ մայրուղի դուրս եկա եւ հանկարծ հասկացա, որ ձախ հատվածում հոսանքի հարված զգացի։ Ինչ-որ կերպ հասա կողնակին։ Դող ունեի, նայեցի հայելուն եւ տեսա կապույտ շրթունքներ, ամբողջովին սպիտակ էի։ Շտապօգնություն զանգահարեցի։ Բժիշկները ժամանեցին, արագորեն արեցին ամեն ինչ։ Սիրտս մի փոքր հոգնել էր»,- Վադիմ Վերնիկին տված հարցազրույցում ասել է արտիստը։
Պրիլուչնին այդ ժամանակ ստիպված է եղել շատ աշխատել՝ վճարելու համար վարկերը, հիփոթեքը եւ ընտանիքը ապահովելու համար։ Դերասանը խոստովանում է, որ հիմա արդեն մեկ նախագծից ավելի չի ստանձնում։
Պավել Պրիլուչնին եւ Ագաթա Մուցենիեցեն ամուսնացել են 2011թ․-ին, նրանք երկու երեխա ունեն՝ որդին՝ Տիմոֆեյը եւ դուստրը՝ Միան։ Նախորդ տարվա հունվարին Մուցենիեցեն հայտնել է ամուսնուց բաժանվելու մտադրության մասին։ Դերասանների ամուսնությունը պաշտոնապես լուծվել է հունիսին։