Նոր Սուպերմենը կլինի սեւամորթ. ստեղծողները նաեւ փնտրում են սեւամորթ ռեժիսոր եւ սցենարիստ

Արեւմտյան լրատվամիջոցները հայտնում են, որ Սուպերմենի մասին հաջորդ ֆիլմում գլխավոր դերը բաժին կհասնի սևամորթ դերասանին։ Առայժմ հայտնի չէ, թե ով է խաղալու պաշտամունքային սուպերհերոսին. շատերը խաղադրույք են կատարել Մայքլ Բ. Ջորդանի «Սեւ հովազի» աստղի վրա, սակայն ինքը հերքել է այդ տեղեկությունը: Այժմ լուրեր են պտտվում, որ ֆիլմի ստեղծողները պրոտագոնիստի դերը կտան քիչ հայտնի դերասանին։

Սեւամորթներ կլինեն նաեւ նոր ֆիլմի ռեժիսորն ու սցենարիստը։ Հաղորդվում է, որ սցենարով կզբաղվի Տա-Նեհիսի Կոութսը՝ գրքերի եւ կոմիքսների հեղինակ, որը Marvel-ի համար ստեղծել է Վականդայի աշխարհը: Warner Bros.-ն ունի ռեժիսորի պաշտոնի մի քանի թեկնածու․ The Hollywood Reporter-ի տվյալներով ՝ նրանք են Սթիվեն Քեյփլ կրտսերը («Քրիդ-2»), Ջասթին Դիլարդը («Օտարը»), Ռեջինա Քինգը («Մեկ գիշեր Մայամիում»), Բարրի Ջենկինսը («Լուսնի լույսը») եւ Շակա Քինգը («Հուդան եւ սեւ Մեսիան», որը ստացել է երկու «Օսկար»): Շատ հավանական է, որ նրանցից մեկը նույնպես կզբաղեցնի ռեժիսորական աթոռը։

Սեւամորթ Սուպերմենն առաջին անգամ կհայտնվի էկրաններին, սակայն DC-ի կոմիքսներում արդեն կա նման կերպար՝ այլընտրանքային տիեզերքի հերոս Կալվին Էլիսը, որը ներկայացվել է 2009 թվականին: Կոմիքսի հեղինակը խոստովանել է, որ սեւ սուպերհերոսի ստեղծման համար իրեն ոգեշնչել է Բարաք Օբաման, այդ պատճառով Էլիսը սովորական կյանքում ԱՄՆ-ի նախագահն է: