«Վիճակն առայժմ սուր է․ թույլ տվեք չհրապարակել ախտորոշումը։ Ես սնահավատ եմ դարձել». Օլգա Բուզովա
18:01 7 մայիսի, 2021Երգչուհի Օլգա Բուզովան, որը շտապ վիրահատության է ենթարկվել եւ գտնվում է հիվանդանոցում, հրապարակում է արել՝ մանրամասներ ներկայացնելով իր վիճակից։ «Չէի ցանկանում առհասարակ ոչինչ ասել, բայց տարբեր հիմար ասեկոսեներից խուսափելու նպատակով հայտնում եմ. շտապ վիրահատությունը կատարվել է մայիսի 5-ին, հետո վերակենդանացման բաժանմունք, դժվարությամբ եմ ուշքի եկել ազգայացումից հետո։ Հիմա ցավոտ վերականգնում, բայց ես կհաղթահարեմ։ Այլ կերպ պարզապես չի կարող լինել։ Բոլորին առողջություն, խաղաղություն ու բարին եմ մաղթում։ Իրավիճակն առայժմ սուր է, այնպես որ թույլ տվեք չհրապարակել ախտորոշումը։ Ես սնահավատ եմ դարձել»,- նշել է Բուզովան։
Արտիստի առողջության համար անհանգստանում են նրա երկրպագուների բանակը, ինչպես նաեւ աստղային ընկերները։ Օլյան բոլորին, ովքեր անտարբեր չեն, շնորհակալություն է հայտնել աջակցության եւ ջերմ հաղորդագրությունների համար։ Բուզովայի հիվանդասենյակը լի է ծաղիկներով։
Երգչուհին այժմ արդեն կապի է դուրս գալիս հետեւորդների հետ՝ ցույց տալով, թե ինչպես են իրեն կաթիլային միացնում, գանգատվում է թուլությունից։ «Բարձրացել է ջերմությունս, բայց ամեն ինչ կարգին է, չէ որ ես գտնվում եմ բժիշկների հսկողության ներքո» Մի թոքր էլ կպառկեմ, քանի որ շատ եմ ուզում քնել։ Կարեւորը, որ մայրս ու հայրս գիտեն՝ ամեն ինչ լավ է»,- նախօրերին նշել էր արտիստը։
Երկրպագուները փորձել են Օլգայի մտերիմներին հարցուփորձ անել նրա վիճակի մասին։ Աննա Բուզովան նույնիսկ ստիպված է եղել պատասխանել հեյթերներին։ «Ինձ մահ ու կրկին կաթված են մաղթում։ Եվ ամենն այն պատճառով, թե ես անտարբեր եմ քրոջս առողջության նկատմամբ։ Բայց դա զառանցանք է»,- նշել է նա։