Հակատարիքային դիետա Շերոն Սթոունից
19:43 15 մայիսի, 2021Հոլիվուդյան դերասանուհի Շերոն Սթոունը համարվում է մոլորակի ամենագեղեցիկ եւ սեքսուալ կանանցից մեկը: Դերասանուհին հարցազրույցներից մեկում պատմել է իր երիտասարդացնող դիետայի մասին: Հենց այդ էլ նրան օգնում է միշտ երիտասարդ եւ ցանկալի մնալ:
«Հակատարիքային դիետաներն առաջին հերթին ներառում են առողջ սնունդ, որն օգնում է լավ տեսք ունենալ: Հիմնական շեշտը դրեք բանջարեղենի, մրգերի վրա եւ մեծացրեք սպիտակուցների օգտագործումը: Միշտ վերահսկեք սննդի քանակությունը: Այդ կերպ կպահպանեք ձեր մկանազանգվածը, հատկապես մարմնի ամենակարեւոր մկանը՝ սիրտը»,- ասում է Շերոնը:
Ահա Շերոն Սթոունի երիտասարդացնող առողջարար դիետայի հիմնական կետերը.
- Բազմազան սնունդ:
- Շատ ձուկ ճաշացանկում:
- Անյուղ միս եւ 4-5 ձու շաբաթական:
- Կաթ եւ կեֆիր աշխատանքային օրերին:
- Ձիթապտղի ձեթ՝ որպես յուղի աղբյուր, բայց՝ սահմանափակ քանակությամբ:
- Ժամանակ առ ժամանակ՝ քաղցրավենիք. մեղր, մուրաբա, շոկոլադ:
- Խուսափեք նախուտեստից, սերուցքային կարագից, մսային ռագուներից եւ արագ սննդից:
- Շատ ջուր խմեք. օրական ավելի քան 8 բաժակ:
- Ալկոհոլը՝ միայն տոնական օրերին եւ միայն մեկ գավաթ: Լավագույնը կարմիր գինին է:
10. Ավելի քիչ աղ, շատ խոտաբույսեր, կիտրոն եւ համեմունքներ:
11. Սննդի պատրաստման պարզություն (խորովված, միկրոալիքային վառարանում, գոլորշու վրա պատրաստված կամ խաշած կերակուր):
Ահա եւ Շերոն Սթոունի երիտասարդացնող առողջարար դիետայի գաղտնիքը: