Արմինկան՝ էլեգանտ կերպարում

15:55   14 մայիսի, 2021

Երգչուհի Արմինկան նոր լուսանկար է հրապարակել՝ ներկայացնելով իր դասական կերպարը։

Ինստագրամյան էջում հրապարակված կադրերում երգչուհին կապույտ տաբատ է կրում, որը համադրել է սպիտակ վերնաշապիկի հետ։ Արմինկան արձակել է մազերը, նախընտրել է բնական շպար։ Կերպարն ամբողջացրել են ցածրակրունկները։ ԱՄՆ-ում բնակվող երգչուհին լուսանկարը չի մեկնաբանել։

Ավելի վաղ երգչուհին գրառում էր արել՝ նշելով, որ աշխարհն այլեւս նույնը չէ։«Չարն ամեն օր իր գործն է անում՝ հեշտությամբ թափանցելով դեռահասների հոգիները՝ փորձելով ավիրել մարդու համար ամենասուրբը։ Մարդի՜կ, ծնողնե՜ր, ուշադիր եղեք ձեր երեխաների կյանքին ու առօրյային, մոտ եղեք նրանց հոգուն, առատորեն սեր նվիրեք ու հոգատարություն, հաճախ խոսեք նրանց հետ, հեռու պահեք նրանց այսօրվա չարիք հանդիսացող ու ակնհայտ սատանայություն տարածող սոցցանցերից… Վաղ մանկությունից նրանց ճանաչեցրեք Աստծուն, որպեսզի վաղը նրանք ընտրեն լույսն ու կյանքը, այլ ոչ խավարի թագավորությունը: Վերջապես, անդադար աղոթեք ձեր երեխաների համար»,- գրել էր նա։



© NEWS.am STYLE