«Վախենում է, որ հայրը կսպանի իրեն». Վոլոչկովան պատմել է հոտ հետ դստեր հարաբերությունների մասին

Մեծ թատրոնի նախկին պրիմա պարուհի Անաստասիա Վոլոչկովան հայտարարել է, որ բարդ հարաբերություններ ունի դստեր հետ, որի հայրն Իգոր Վոդվինն է, ինչպես նաեւ մոր հետ։ Նրա խոսքով՝ դա կապված է նրա հետ, որ ինքը բավական անկեղծ հարցազրույցներ է տալիս։

Մի քանի տարի պարուհին դատական վեճ է ունեցել նախկին ամուսնու հետ՝ պահանջելով վերադարձնել խոշոր պարտքը։ «Դստերս՝ Արիշային, դուր չի եկել, որ ես ճշմարտությունն եմ ասել նրա հոր մասին, որ նա 12 տարի առաջ ինձանից երեք միլիոն դոլար է գողացել։ Ես դարձա չար թշնամի։ Իմ հեռախոսահամարը նրանց կղմից արգելափակված է։ Ես երբեմն պարզապես ցանկանում եմ արտասվել դավաճանությունից, հիասթափությունից եւ մեծ անարդարության զգացման պատճառով»,- YouTube-յան «Premier» ալիքով «Исповедь» շոուի ընթացքում հայտնել է նա։

Սակայն Վոլոչկովան կարծում է, որ Արիադնայի եւ հոր հարաբերություններն այժմ չեն ստացվում։ «Հիմա դուստրս հոր հետ ապրում է դժոխքում եւ ինձ արգելում է այդ մասին խոսել։ Նա վախենում, որ հայրը կսպանի իրեն, վատ բան կանի, եթե այդ մասին հրապարակավ պատմեմ»,- հայտարարել է աստղը։

Իսկ Անաստասիայի մորը դուր չի եկել, որ նա լրագրողներին պատմել է Սուլեյման Քերիմովի անշարժ գույքի մասին, որը վերջինս նվիրել է պարուհուն։ Այս շքեղ առանձնատունը, ըստ աստղի խոսքերի, նրանից փաստացիորեն գողացել է մայրը, ինչից հետո վաճառել է։