Նաոմի Քեմփբելն առաջին անգամ մայր է դարձել
18:05 18 մայիսի, 2021Նաոմի Քեմփբելն առաջին անգամ մայր է դարձել: 50-ամյա սուպերմոդելը նորությունը հայտնել է Instagram-ի էջում։
«Հիանալի փոքրիկ երջանկությունն ինձ է ընտրել որպես իր մայր։ Ինձ համար այնքան մեծ պատիվ է իմ կյանք ընդունել այս նուրբ հոգուն, որ բառերը չեն բավականացնում՝ նկարագրելու համար կապը, որը ես հիմա կիսում եմ քեզ հետ, իմ հրեշտակ։ Աշխարհում չկա ավելի մեծ սեր»,- գրել է Նաոմին։
View this post on Instagram
Նաոմին չի նշել, թե ինչպես է փոքրիկը լույս աշխարհ եկել, սակայն հավանական է, որ մոդելը դիմել է փոխնակ մոր օգնությանը։ Քեմփբելի հղիության մասին մամուլում ոչինչ չի գրվել, բացի այդ՝ այս տարվա ապրիլի սկզբին նա ցուցադրություններից մեկին մասնակցել է՝ առանց կլորացած որովայնի, գրում է Spletnik-ը։
1990-ականների սուպերմոդելի ընտանիքում համալրման մասին լուրն անսպասելի է եղել ոչ միայն երկրպագուների, այլեւ նրա շատ հայտնի ընկերների համար։ Լուսանկարի մեկնաբանություններում անկեղծ զարմանքն ու շնորհավորանքներն արդեն արտահայտել են Մարկ Ջեյքոբսը, Եվա Հերցիգովան, Զոի Սալդանան եւ այլք։