Փոփ երաժշտության աստվածուհին․ Շերի մասին կենսագրական ֆիլմ կստեղծվի

15:14   20 մայիսի, 2021

Լեգենդար երգչուհի եւ դերասանուհի Շերը՝ Շերլին Սարգսյանն, այսօր նշում է ծննդյան օրը․ մայիսի 20-ին նա դառնում է 75 տարեկան։ Հայուհուն, որը տասնամյակներ շարունակ փայլում է բեմում, լրատվակիջոցները հաճախ են անվանում փոփ երաժշտության աստվածուհի։ 

Երգչուհին ծննդյան նախօրերին հայտնել է, որ իր մասին կենսագրական ֆիլմ է ստեղծվում։ Variety-ի հաղորդմամբ՝ ժապավենը դեռեւս անուն չունի, այն կարտադրվի «Universal Pictures» ընկերության կողմից, սցենարի հեղինակը Էրիկ Ռոթն է։

Ժապավենի պրոդյուսերները Ջուդի Քրայմերն ու Գարի Գոթզմանն են, պրոդյուսերի դերում հանդես կգա նաեւ երգչուհին։ Շերը Twitter-ում նշել է, որ Ռոթը գրել է նաեւ «Ֆորեսթ Գամփ» ֆիլմի սցները, որը 1995թ․-ին «Օսկարի» է արժանացել, ինչպես նաեւ 2018թ․-ին թողարկված «Աստղը ծնվեց» ժապավենի սցենարը, որի գլխավոր դերում Լեդի Գագան ու Բրեդլի Քուփերն են։ Ռոթն ու Շերը նախկինում միասին աշխատել են 1987թ․-ի «Կասկած» ֆիլմում։

Լուսանկարը՝ Evan Agostini/Invision/AP/REX/Shutterstock



© NEWS.am STYLE