Դերասանուհի Ֆիբի Դայեվորն արձագանքել է Netflix-ով հեռարձակվող «Բրիջերթոններ» սերիալում գործընկերոջ՝ Ռեգե Ժան Փեյջի որոշմանը՝ լքել նախագիծն առաջին եթերաշրջանից հետո։
«Variety’s Awards Circuit» պոդքասթում քննարկելով դուքս Գաստինգսի հեռանալու որոշումը՝ 26-ամյա դերասանուհին պարզաբանել է․ «Ես որոշակի անհանգստություններ ունեի, ես գիտեի այդ մասին եւ, այո, կարծում եմ՝ դա քննարկվել է։ Շոուն կենտրոնացած է Բրիջերթոնների շուրջ եւ հիմնված է ութ գրքերի վրա։ Կարծում եմ՝ բեսթսելերների երկրպագուները գիտեն, որ յուրաքանչյուր եթերաշրջան նվիրված է տարբեր եղբայրների ու քույրերի։ Եվ մենք էստաֆետը հանձնում ենք հրաշալի Ջոնիին, որը խաղում է Էնթոնիի կերպարը»։
Ֆիբիի մեկնաբանությունը հաջորդել է շոուրաններ Շոնա Ռայմսի հայտարարությանը, որը կտրականապես բացառել էր նոր էպիզոդներում դերասանի հայտնվելու հնարավորությունը. հայտարարությունը հիասթափեցրել էր երկրպագուներին։
Լուսանկարները՝ Netflix