191 հազարից ավել հետեւորդ TikTok-ում, ավելի, քան 4 միլիոն like եւ հազարավոր դիտումներ ու մեկնաբանություններ. Թամ Սահակյանը TikTok-ի օգտատերերի շրջանում հայտնի է իր պարային ու զվարճալի հոլովակներով, իսկ հեռուստադիտողին՝ «Խաբկանք» հեռուստասերիալում իր դերով: Աղջիկն ավարտել է Մանկավարժական համալսարանի Հագուստի մոդելավորման բաժինը, մտադիր է շարունակել ուսումը Գեղարվեստի ակադեմիայում, իսկ այս շրջանում զբաղված է հեռուստասերիալի նկարահանումներով:
NEWS.am STYLE-ն իր «20 փաստ» խորագրի շրջանակում այսուհետ կանդրադառնա նաեւ TikTok-երներին: Դե, ինչպես կռահեցինք, մեր առաջին զրուցակիցը Թամ Սահակյանն է:
Թամ, ինչպե՞ս ես սկսում առավոտդ:
Մեկ բաժակ սուրճ, make up, ու հետո միշտ վազելով գնում եմ կամ նկարահանման, կամ՝ աշխատանքի:
Երգ, որը վերջին շրջանում ամենահաճախն է ուղեկցում քեզ:
Твой воздух` «Где твоя любовь?»:
Օրվա մեջ որքա՞ն ժամանակ ես «անցկացնում» TikTok-ում:
Ըստ վիճակագրության՝ վերջին մեկ շաբաթն իրար հետ՝ երկուս ու կես ժամ, օրվա ընթացքում՝ առավելագույնը 20 րոպե:
Ինչո՞ւ որոշեցիր ունենալ TikTok-ի էջ:
Չեմ հիշում. ուղղակի հետաքրքիր էր:
Посмотреть эту публикацию в Instagram
Ի՞նչ ես առաջնահերթ ցանկանում փոխանցել քո հոլովակներով:
Փորձում եմ լավ տրամադրություն փոխանցել:
Ե՞րբ ես առաջին անգամ զգացել քեզ վրա ուշադրություն:
TT բացելուց մոտ 5-6 ամիս անց:
Ի՞նչն է քեզ հունից հանում:
Անարդարությունը:
Երեք բառ, որոնք քեզ լավագույնս բնութագրում են:
Նեղացկոտ, ինքնավստահ, բարի:
Քո տարօրինակ կողմերը:
Ալարկոտ եմ ու ցանկացած հարցում՝ սկզբունքային:
Մեկնաբանություն, որը քեզ զվարճացրել է:
«Էս թմբլ աղջիկն ո՞վ ա»…. Այն դեպքում, երբ հասակս 160 սմ է, իսկ քաշս՝ 45-46 կգ: Բայց հաճելի էր, ես երազում եմ մի փոքր գիրանալ, պարզապես գենետիկաս թույլ չի տալիս (ծիծաղում է):
Մեկնաբանություն, որն ամենից շատն է քեզ բարկացրել:
Չեմ հիշում, նեգատիվի վրա փորձում եմ չկենտրոնանալ: Եթե բարկանում եմ, նույն պահին տեսանյութով պատասխանում եմ ու տեղադրում էջումս, ու միանգամից մոռանում եմ:
Ի՞նչ են հաճախ քեզ ասում փողոցում տեսնելիս:
«Դուք Թամ Սահակյա՞նն եք. շատ նման եք նրան»:
Ինչպե՞ս են քեզ դիմում մտերիմ մարդիկ:
Թամի:
Հայ TikTok-երներից ո՞ւմ հետ ես մտերիմ:
Հայկական TikTok-ին չեմ հետեւում:
Իսկ միջազգային TikTok-երներից ո՞ւմ ես հետեւում:
Շատ են, չեմ կարող բոլորին թվարկել, բայց ամենից հաճախ՝ MaDina-ին:
Ի՞նչ հոբբի ունես:
Հոբբիս մատնահարդարումն է:
Եղե՞լ է, որ հիասթափվես ու ցանկանաս փակել էջդ:
Ոչ, չի եղել նման դեպք:
Ամենաչսիրածդ հարցը, որ տալիս են:
«Ընկեր ունե՞ս»:
Իսկ ընկեր ունե՞ս:)
Չեմ պատասխանի այդ հարցին (ծիծաղում է):
Ինչպե՞ս է ավարտվում օրդ:
Սերիալ կամ ֆիլմ եմ դիտում, համեղ բաներ ուտում ու ըտանիքիս անդամների հետ ժողով ենք ունենում (ծիծաղում է):
Սյունե Առաքելյան
Լուսանկարները՝ Թամ Սահակյանի Instagram-ից