TikTok-ում հայտնի երգի կատարողն օգտատերերին շոկի է ենթարկել հագուստով, որը կրել է իր հարսանիքին
12:54 26 մայիսի, 2021Դոմինիկյան Հանրապետությունից հայտնի ռեփեր Նֆասիսը (իսկական անունը՝ Հոել Գարսիա) օգտարերին շոկի է ենթարկել հագուստով, որը կրել է սեփական հարսանիքին։
Նֆասիսը վաղեմի ընկերուհու՝ Դիանա Վարգաս դե Գարսիայի հետ ամուսնացել է դեռ 2020թ․-ի դեկտեմբերին, սակայն հարսանեկան լուսանկարներն ու տեսանյութերը միայն այժմ են տարածվել սոցիալական ցանցերում եւ վիրուսային դարձել։ Այն դեպքում, երբ հարսնացուն եղել է դիմահարդարված, կրել է ավանդական ժանեկավոր զգեստ ու քող, փեսացուն վերնաշապիկ է կրել, ջինսե պատառոտված շորտ, գուլպաներ ու ամառային ոտնամաններ։ Հոելի դեմքի արտահայտնությունն էլ, ինչպես նշել են մեկնաբանություններում, այնքան էլ ուրախ չի եղել։
View this post on Instagram
«Նա ակնհայտորեն ձանձրանում էր», «Հարսանցուի փոխարեն ես կփախչեի հարսանիքից», «Միայն պատկերացրեք, որ ձեր սիրելի տղամարդը հարսանիքին գալիս է այս տեսքով», «Այնպիսի տեսք ունի, կարծես արարողության մասին հիշել է մեկնարկից տաս րոպե առաջ», «Հատկապես ցնցում է հարսնացուի եւ փեսացուի հակադրությունը։ Հարսնացուն այնքան ջանք է գործադրել շքեղ տեսք ունենալու համար»,- գրել են օգտատերերը։
Դիանան՝ ռեփերի երկու երեխաների մայրը, հայտարարել է, որ «ամեն ինչ իդեալական է եղել, այնպես, ինչպես ինքը ցանկանում էր» եւ իրեն անվանել է «աշխարհի ամենաերջանիկ կինը»։