Արքայազն Հարին խաբել է Եղիսաբեթ II եւ կրկին հրապարակավ քննադատել թագավորական ընտանիքին (վիդեո)
22:46 28 մայիսի, 2021Մեծ Բրիտանիայի արքայազն Հարին խաբել է իր տատիկին՝ թագուհի Եղիսաբեթ II-ին, որպեսզի թույլտվություն ստանա «Իմ անտեսանելի կողմը» վավերագրական նախագծի նկարահանումների համար: Այս մասին հայտնում է Daily Mail-ը։
«Նրանք, ովքեր շրջապատում են թագուհուն եւ արքայազն Չարլզին, բացարձակապես ապշած են այն ամենից, ինչ տեղի է ունեցել», – ասում է Բուքինգհեմյան պալատի աղբյուրը:
Հատկապես նրան վիրավորել են թոռան խոսքերն այն մասին, որ իր հայրը՝ արքայազն Չարլզը, որդիների հետ լավ չի վարվել, քանի որ իրեն դաստիարակել են ճիշտ նույն կերպ։
Հարին հեռուստահաղորդավար Օփրա Ուինֆրիի հետ «Ես եմ, որին դու չես տեսնում» սերիալի վրա սկսել է աշխատել երկու տարի առաջ՝ մինչ իր եւ Մեգան Մարքլի թագավորական ընտանիքի բարձրաստիճան պաշտոնյաների կարգավիճակից հրաժարվելն ու Ամերիկա մեկնելը: Ինչպես հայտնում է Daily Mail-ը՝ վկայակոչելով պալատական բարձրաստիճան պաշտոնյաներին, արքայազնը տատիկից սերիալ նկարահանելու թույլտվություն է ստացել։ Բայց թոռը նրան հավաստիացրել է, որ նախագիծը նվիրված է լինելու վետերանների հոգեկան առողջության խնդիրներին։ Հարին «անհնազանդ խաղերի»՝ նախկին եւ գործող սահմանափակ կարողություններով զինվորականների միջազգային մրցումների հիմնադիրն է։
Թագուհին հավանություն է տվել Հարիի հետ զրույցի գաղափարին։ Ինչպես նշում են ինսայդերները, նրա մտքով անգամ չի անցել, որ թոռը ցեխ է շպրտելու ընտանիքի վրա։ Բացի հոր հասցեին արված հայտնություններից, արքայազնը նաեւ հայտարարել է, որ հարազատներն իրենց վատ են դրսեւորել կնոջ՝ Մեգան Մարքլի նկատմամբ, երբ նա ինքնասպանության եզրին էր: Ինչպես նաեւ մեղադրել է Միապետությանն ու լրատվամիջոցներին Մեգանին հրապարակավ զրպարտելու փորձերի մեջ։
Թագուհին եւ արքայազն Չարլզն ապշել են Հարիի հայտնություններից։ «Սա վստահության հարց է, որն, անկեղծ ասած, այս պահին կախված է մազից...» - հայտարարել է աղբյուրը: Պալատում Հարիի խնդիրներին միշտ կարեկցանք են ցուցաբերել, բայց բոլորը ցնցված են, որ նա որոշել է կիսել այս ամենը հեռուստաշոուում, որը ցուցադրվել է ամբողջ աշխարհով եւ որը բացասական լույսի ներքո է ներկայացրել իր ընտանիքին:
Հարին գրեթե կորցրել է հարազատների հետ հաշտվելու վերջին հնարավորությունը, որոնք դեռեւս ուշքի չեն եկել Օփրա Ուինֆրին տված զույգի սկանդալային հարցազրույցից հետո։
Աղբյուրը՝ Факты
Լուսանկարները՝ Getty images