Գարիկ Խարլամովը թեժացրել է դերասանուհի Եկատերինա Կովալչուկի հետ սիրավեպի մասին լուրերը
20:16 31 մայիսի, 2021Մի քանի օր առաջ հումորիստն արձակուրդ է մեկնել Սոչի։ Այնտեղ է մեկնել նաեւ դերասանուհին։ Պարզվել է, որ Գարիկ եւ Եկատերինա ժամանակն անցկացնում են նույն վայրում՝ Կարմիր Պոլյանայի սպա-հյուրանոցում, որտեղից երկուսն էլ լուսանկարներ են հրապարակում իրենց սոցցանցերում:
Խարլամովն ու Կովալչուկն իրենց հանգիստն են բայելում Little Big խմբի անդամներ Սոֆյա Տայուրսկայայի եւ Իլյա Պրուսիկինի ընկերակցությամբ, որոնք նույնպես դեռ պաշտոնապես չեն հաստատել իրենց հարաբերությունները:
Ըստ լուրերի՝ հումորիստի եւ դերասանուհու սիրավեպը սկսվել է անցյալ տարի՝ «Գուսար» սերիալի նկարահանումների ժամանակ։ Իբր, նախքան Քրիստինա Ասմուսից պաշտոնապես բաժանվելն է Խարլամովը սկսել ուշադրություն դարձնել Կովալչուկին:
Քրիստինա Ասմուսը եւ Գարիկ Խարլամովը ամուսնացած են եղել յոթ տարի։ Բաժանման մասին նրանք հայտարարել են անցյալ ամռանը։ Նախկին ամուսիններն ունեն դուստր՝ Նաստյան, որին նրանք միասին են դաստիարակում։ Թե, ինչն է իրականում դարձել զույգի բաժանման պատճառը, հայտնի չէ։ Ինքը՝ Գարիկը, նշել է, որ որոշումն ընդհանուր է եղել, իսկ Քրիստինան ասել է, որ ամուսնալուծության նախաձեռնողն ինքը եղել է։ Դերասանուհու փաստաբանը նշել է, որ Խարլամովը մինչեւ վերջին պահը փորձել է կարգավորել հարաբերությունները կնոջ հետ եւ ցանկանում է պահպանել ընտանիքը:
Եկատերինա Կովալչուկի անձնական կյանքի մասին քիչ բան է հայտնի: Ամուսնացած չի եղել, երեխաներ չունի։ Աստղային գործընկերների հետ սիրավեպերում նա նույնպես աչքի չի ընկել։ Եկատերինա Կովալչուկը հանդիսատեսին կարող է ծանոթ լինել «Երկու քույր» ֆիլմից եւ «Անսկզբունքայինները» սերիալից: