Հեռուստահաղորդավար Իվան Ուրգանտի դուստրը՝ Էրիկա Կուտալիան, անկեղծ կերպարով լուսանկար է հրապարակել ու զայրացրել հետեւորդներին։ Լուսանկարն ու մեկնաբանությունները հայտնվել են Instagram-ի նրա էջում։
20-ամյա Էրիկան լուսանկարներ է հչապարակել, որոնցում պատկերված է նյույորքյան մետրոպոլիտենում։ Նա նկարահանվել է կանաչ գույնի կարճ զգեստով, բարձրացրել է այն ու ցուցադրել Siren Basics ապրանքանիշի ներքնազգեստը։ Նրա կերպարն ամբողջացրել են շագանակագույն պայուսակն ու մի քանի մազակալները։
View this post on Instagram
Կուտալիայի երկրպագուները չեն գնահատել նրա հրապարակումը, որն ավելի քան 30 հազար լայք է հավաքել եւ այդ մասին գրել են մեկնաբանություններում։ «Գռեհիկ է։ Ամոթ է ծնողների առաջ», «Բավական է քո նկատմամբ ուշադրություն գրավես», «Չեմ կարծում, թե սա գեղեցիկ է», «Ի՞նչ ուղերձ է սա»,- գրել են օգտատերերը։
Փետրվարին Իվան Ուրգանտի դուստրը դարձել է Jacquemus ապրանքանիշի գովազդային արշավի մասնակից։ Կադրերում նա գրկել ու համբուրում էր ընկերոջը։ Էրիկան պատկերված էր ներքնազգեստով, իսկ նրա սիրելին՝ ջինսով։