«Գահերի խաղի» ամուսնացած աստղն ակնարկել է, որ բիսեքսուալ է
20:08 4 հունիսի, 2021«Գահերի խաղը» սերիալի աստղ Սոֆի Թերները, որը մարմնավորել է Սանսա Սթարկի կերպարը, ակնարկել է, որ բիսեքսուալ է, հայտնում է Daily Mail-ը։
25-ամյա ամուսնացած դերասանուհին Instagram-յան էջի Stories բաժնում հրապարակում է արել, որում ԼԳԲՏ հանրության շրջանում հայտնի արտահայտություն է օգտագործել՝ Time isn't straight and neither am (կարելի է թարգմանել որպես «ժամանակը նատուրալ չէ, ես՝ եւս»)։ «Սկսվել է փրայդի ամիսը»,- գրել է Թերները։
Դերասանուհու երկրպագուները կարծել են, որ նա այդ կերպ ակնարկել է, որ ոչ ավանդական սեռական կողմնորոշում ունի։
View this post on Instagram
2020թ․-ի հուլիսին հայտնի է դարձել, որ Թերները լույս աշխարհ է բերել առաջնեկին, որի հայրը «Jonas Brothers» երաժշտական խմբի մասնակից Ջո Ջանսն է։ նրանք հանդիպում են 2016թ․-ից, իսկ 2019թ․-ի մայիսին ամուսնացել են։
Նախկինում Թերները խոստովանել է, որ «Գահերի խաղի» նկարահանումների ընթացքում մշտապես համբուրել է գործնկերոջը՝ Մեյսի Ուիլյամսին, որը մարմնավորել է Արյա Սթարկի կերպարը՝ շրջապատին շփոթեցնելու համար։