«Եվրատեսիլ»-ում հաղթած իտալացի ռոքերներին մեղադրել են գրագողության մեջ

Իտալական Maneskin ռոք խմբին, որը հաղթել է «Եվրատեսիլ-2021» երաժշտական մրցույթում, նիդեռլանդցի երաժիշտները մեղադրել են գրագողության մեջ։ Այս մասին հայտնում է Gazeta.ru-ն՝ վկայակոչելով РЕН ТВ-ին։

The Vendettas խումբը պնդում է, որ իրենց «You want it, you got it» երգը, որը ձայնագրվել է դեռեւս 1997 թվականին, նույնական է հնչում։ Խմբի մասնակից Յորիս Լիսենսը նկատել է, որ անհրաժեշտ է հասկանալ, թե կարելի է արդյոք գրագողություն համարել նոր երգի նմանությունը, որը թողարկվել է դեռ իտալացի ռոքերների ծնվելուց առաջ։

Ավելի վաղ հաղորդվել էր, որ Måneskin-ի մեներգչին կասկածում են շոուի ժամանակ թմրանյութերի օգտագործման մեջ։ Գնահատականների հայտարարման ժամանակ Դամիանո Դավիթն այնպես է կռացել սեղանի վրա, որ շատ հեռուստադիտողների թվացել է, թե նա կոկաին է օգտագործում։ Մամուլի ասուլիսի ժամանակ երաժիշտը բացատրել է, որ խմբի մեկ այլ անդամ Թոմաս Ռաջին կոտրել է բաժակը, իսկ նա բեկորներ է բարձրացրել։ Նա նաեւ ընդգծել է, որ թմրանյութեր չի օգտագործում։