«Սցենարը սարսափելի էր». հանդիսատեսը քննադատել է Անա Բոլեյնի մասին նոր սերիալը, որի գլխավոր դերում թխամորթ դերասանուհի է

Անգլիական Աննա Բոլեյն թագուհու մասն սերիալը համացանցում մեծ աղկում էր բարձրացրել նախքան էկրաններ բարձրանալը։ Նախագծում գլխավոր դերը կատարել է թխամորթ դերասանուհի Ջոդի Թերներ-Սմիթը (ժամանակակիցները Աննա Բոլեյնին նկարագրում էին որպես «հիվանդագին սպիտակ»)։ Բացի դերասանուհուց՝ շատերին դուր չեն եկել կոստյումները, Ջոդիի խաղը, թույլ երկխոսությունները եւ ժամանակակից արժեքները 16-րդ դարի պատմությունում։

Վերջերս սերիալը մեկնարկել էր «Channel 5»-ով, սակայն IMDB գնահատականների ագրեգատորում 106-ից միայն 1,2 միավոր է հավաքել՝ ցուցադրելով հարթակի վատագույն վարկանիշներից մեկը։

Օգտատերերը համացանցում բացահայտ արտահայտում են իրենց դժգոհությունը եւ չեն կաշկանդվում արտահայտություններ ընտրելիս․ «Սցենարն, իսկապես, սարսափելի էր։ Երկխոսությունները բաղկացած էին հեգնական շեքսպիրյան արտահայտություններից, խառնված բանավոր անգլերենի հետ եւ արտահայտություններից, որոնք բացարձակապես համապատասխան չէի պատմական շրջանին»․- գրել է նրանցից մեկը։

«Կարող եք ինձ հնաոճ անվանել, բայց ես գերադասում եմ, որ պատմական դրամական պատմական լինի։ XXI դարի արժեքները տեղին չէին 50 տարի առաջ, էլ չասած 500 տարի առաջվա մասին»,- նկատել է մյուսը։

Գլխավոր դերակատարը խոստովանել է, որ սերիալի վերաբերյալ նման արձագանքի չէր սպասում։ Նա արձագանքել է բացասական կարծիքներին՝ շեշտը դնելով Բոլեյնի պատմության «մարդկայնության», ոչ թե դերասանուհու ռասայի վրա։ «Ես կարծում եմ, որ նրբերանգը, որը մարդիկ բաց են թողնում, այն է, որ պատմականորեն թխամորթ մարդիկ ջնջվել են պատմություններից, եւ այդ կերպ ջնջվել է նրանց մարդկայնությունը։ Մենք սրանով չենք ջնջում սպիտակամորթների մարդկայնությունը։ Մենք ռասան հանում ենք խոսակցությունից՝ այդ ամենի կենտրոնում մարդկային պատմություն ներկայացնելու համար։ Իմ գլխավոր ցանկությունն այն է, որ ինձ մարդկային համարեն։ Ոչ միայն որ ես թխամորթ կին եմ, այլեւ այն, որ ես մարդ եմ, որը մարդկային փորձ ունի եւ գոյություն ունի մարդկային տարածությունում»,- Insependent-ի հետ զրույցում նշել է դերասանուհին։

Լուսանկարները՝ կադրեր «Աննա Բոլեյն» սերիալից