«Հայփի ենք դիմել». Մոսկվայի գեղարվեստական թատրոնում պարզաբանել են, թե ինչու է Բուզովան բեմում հայտնվել

14:52   11 հունիսի, 2021

Մոսկվայի Գորկու անվան գեղարվեսատական թատրոնի գեղարվեսատական ղեկավար Էդուարդ Բոյակովը «ՌԻԱ Նովոստի»-ի հետ զրույցում պարզաբանել է երգչուհի Օլգա Բուզովային Իոսիֆ Ստալինին կյանքի մասին «Հիանալի վրացին» ներկայացման մեջ հրավիրելու որոշումը։

Բոյակովի խոսքով՝ բեմում Բուզովայի հայտնվելը մի քանի պատճառ ուներ. «Մենք, իհարկե, հայփի ենք դիմել։ Կարծում եմ՝ այստեղ գործոնների համախումբ է աշխատել։ Նախ, Նոր թատրոն, խաղացանկի հետ կապված նոր քաղաքականություն։ Երկրորդ, Ստալինը՝ որպես թեմա եւ իհարկե, Օլգա Բուզովան։ Այս բավական բարդ եռանկյունին աշխատել է»,- ասել է Բոյակովը։

Ընդ որում, թատրոնի գեղարվեսատական ղեկավարը չի կասկածում, որ Բուզովան կարող է «բարձր արվեստի դեսպան դառնալ շոու-բիզնեսի աշխարհում»։ «Ես տեսել եմ նրա էներգիան, հավատացել, ինձ մոտ ռեզոնանս էր, էմպատիա, մենք անմիջապես պայմանավորվեցինք»,- երգչուհու եւ հեռուստահաղորդավարուհու հետ առաջին հանդիպման տպավորությունների մասին խոսելով՝ ասել է Բոյակովը։

Բեմում Բուզովան կատարել է կաբարեի երգչուհի Բեմա Շանտալի դերը, որը լրտես է դառնում ու փրկում Ստալինի կյանքը։ Արտիստն իր ելույթը բարձր է գնահատել։

 



© NEWS.am STYLE