Ինչով էր «Ընկերների» վերամիավորումը ձեռնտու HBO Max-ին
22:16 14 հունիսի, 2021«Ընկերները» կուլտային սերիալի դերասանական կազմի՝ երկար սպասված վերամիավորումը պետք է տար «HBO Max»-ի նոր հարթակի մեկնարկը։ Սակայն կորոնավիրուսի համավարակի պատճառով ստիպված են եղել նկարահանումները հետաձգել մեկ տարով, եւ հատուկ էպիզոդը ցուցադրել է միայն մայիսի 27-ին։ Ամեն դեպքում, թողարկումը մեծ օգուտ է բերել ընկերության ղեկավարությանը։ Business Insider պարբերականը գրում է նախագծի հաջողության մասին՝ վկայակոչելով «Antenna» վերլուծական կազմակերպության տվյալները։
Նախորդ տարի WarnerMedia հոլդինգը հայտարարել է, որ Warner Bros. ընկերության 2021թ․-ի բոլոր ֆիլմերը կթողարկվեն ինչպես կիոնթատրոններում, այնպես էլ HBO Max-ում նույն օրը։ Եվ «Ընկերների» վերամիավորումն ավելի շատ հետեւորդների է ներգրավվել, քան այս տարի թողարկված որեւէ այլ նախագիծ, օրինակ՝ «Մահացու ճակատամարտ», «Գոձիլան ընդդեմ Քոնգի» նախագծերը եւ նույնիսկ «Զակ Սնայդերի արդարության լիգան»։
Ի դեպ, նախագծի վարկանիշն ինքնին այնքան էլ բարձր չէ. Rotten Tomatoes-ում գնահատականների եւ արձագանքների տվյալների համաձայն՝ «Ընկերները․ Վերամիավորում» հատուկ թողարկման վարկանիշը կազմում է մոտ 63 տոկոս 41 վերլուծության հիման վրա 10 հնարավորից 6,7 միջին գնահատականով։ Նախքան եթեր հեռարձակումը շատ քննադաներ մատնանշում էին երկխոսությունների շինծու լինելը, բեմադրության արհեսատական լինելը, իսկ որոշներն էլ ասում էին, որ չէին ցանկանում խորտակել «Ընկերների» կերպարը՝ նրանց ծերացած տեսնելով։
Ըստ Peopletalk-ի նյութերի