«Բաղադրատոմսեր, որոնց պատրաստումից հետո հնարավոր չէ չսիրահարվել հայկական խոհանոցին». ռուսական ալիքի եթերում նոր նախագիծ է մեկնարկում
22:59 14 հունիսի, 2021Ռուսական «Кухня ТВ» հեռուստաալիքով այսօր նոր նախագիծ է մեկնարկում, որը կպատմի հայկական վառ, բուրավետ խոհանոցի մասին։ Հաղորդումը ստացել է «Кухня с акцентом» անվանումը։
Ռեստորատոր, խոհարար, հեռուստահաղորդավարուհի Գայանե Բրեիովան կսովորեցնի համադրել հայկական ազգային ճաշատեսակների բազմադարյա ավանդույթներն ու ժամանակակից միտումները։
Հեռուստաալիքի կայքում նշվում է, որ հայկական խոհանոցը հնագույններից մեկն է Եվրոպայում եւ Անդրկովկասում։ Հաղորդման շրջանակներում կներկայացվեն 30 հեղինակային բաղադրատոմսեր, «որոնց պատրաստումից հետո հնարավոր չէ չսիրահարվել հայկական խոհանոցին»։
Գլխավոր լուսանկարը՝ «Кухня ТВ»