Օլգա Բուզովային ներկայացման համար 4 անգամ ավել են վճարել, քան Լիա Ախեջակովային
20:12 15 հունիսի, 2021Հանրությունը չի կարողանում հաշտվել այն փաստի հետ, որ առանց համապատասխան կրթության Օլգա Բուզովան խաղացել է Մոսկվայի ակադեմիական գեղարվեսատական թատրոնում եւ ելույթի համար գրեթե 500 հազար ռուբլի է ստացել։ Եվ գուցե ամեն բան այլ կերպ լիներ, եթե հանդիսատեսին չհաջողվեր տեղեկանալ, թե պաշտոնապես որքան են վճարում թատրոնների կողմից տարբեր վաստակավոր արտիստներին, միլիոնավոր մարդկանց կուռքերին եւ այն աստղերին, որոնց համար «ստիպված չեն լինի կարմրել»։
Պետական գնումների կայքում պաշտոնական տեղեկության համաձայն՝ Օլգան Մոսկվայի գեղարվեստական ակադեմիական թատրոնում երկու ներկայացման համար 234 հազար ռուբլի է ստացել, ինչը նշանակում է, որ մեկ ներկայացման համար Բուզովային 117 գազար ռուբլի են վճարել։ Ընդհանուր գումարը, որը հաշվվել է նաեւ ժամանակի համար, որն արտիստը ծախսել է փորձերի համար, կկազմի 446 հազար ռուբլի։
Կայքը տվյալներ է պարունակում նաեւ այլ դերասանների վարձատրության վերաբերյալ։ «Կոմսոմոլսկայա պրավդա» պարբերականը որոշել է համեմատել, թե ժամանակակից աստղերի ով կարող է պարծենալ Օլգա Բուզովայի չափ հոնորարներ ստանալով, սակայն չի գտել այդպիսի արտիստների։ Ինգա Օբոլդինան Գորկու անվան գեղարվեստական թատրոնի բեմում «Վարսահարդարը» ներկայացման մեջ գլխավոր դերի համար 53 հազար ռուբլի է ստացել։ Մոսկվայի գեղարվեսատական թատրանում «Բալենու այգին» ներկայացման մեջ Ռանեւսկայայի դերի համար Աննա Բոլշովան ստացել է 65 հազար ռուբլի, Լիա Ախեջակովան «Հեքիաթ վերջին հրեշտակի մասին» ներկայացման մեջ փոքրիկ դերի համար ստացել է մոտ 30 հազար ռուբլի։