«Գահերի խաղ»-ից Դեյեներիսը պատմել է՝ որ տեսարանը կվերափոխվեր
23:11 15 հունիսի, 2021Դերասանուհի Էմիլիա Քլարկը, որը «Գահերի խաղը» լեգենդար սերիալում խաղացել է Դեյեներիսի կերպարը, պատմել է, թե ինչ կփոխեր սերիալում եւ որ տեսարանը կվերանկարահաներ։
Քլարկը տվել է ազնիվ եւ միանգամայն ակնկալվող պատասխան:
Բնականաբար, դերասանուհուն չի գոհացրել սեփական մահը. երկրորդ գլխավոր հերոս Ջոն Սնոուն դանակահարել է Դեյեներիսին Երկաթե Գահին հասենլուց մի քանի քայլ առաջ, որի ուղին այդքան դժվար է եղել Դեյեներիսի համար։
Հենց սեփական մահվան տեսարանը կվերանկարահաներ Էմիլիա Քլարկը՝ սերիալի իր սեփական տարբերակում հենց նա պետք է հայտնվեր գահին։
Բացի Էմիլիա Քլարկից, իր կերպարի ճակատագրից դժգոհ է եւս մեկ դերասան՝ Շոն Բինը, որը սերիալում խաղացել է Նեդա Սթարկի դերը: Նա խոստովանել է, որ լքել է սերիալը այն բանից հետո, երբ մահացել է իր կերպարը, եւ չգիտի, թե ինչով է ավարտվել պատմությունը:
Աղբյուրը՝ РЕН-ТВ