«Մի ծնվիր գեղեցիկ» սերիալի աստղը 16 տարվա ամուսնությունից հետո բաժանվել է
14:38 16 հունիսի, 2021Հայտնի դերասան, «Մի ծնվիր գեղեցիկ» սերիալի աստղ Պյոտր Կրասիլովն ամուսնալծվել է կնոջից՝ Իրինա Շեբեկոյից։ Արտիստի կինը երեք տարի առաջ բնակության է տեղափոխվել Ամրիկա։ 39-ամյա կինը երազում էր լուսանկարիչ դառնալ, սակայն նա մտադրությունն իրականացնելու համար մեկնել էր ոչ թե միայնակ, այլ իրենց դստեր՝ Սաշայի հետ։ Кրասիլովը գանգատվում էր, որ հազվադեպ է տեսնում ընտանիքի անդամներին․ նրանք մայրաքաղաք մեկնում էին միայն արձակուրդներին։
Շեբեկոյի տեղափոխությունը բազմաթիվ անգամներ տհաճ ասեկոսեների առիթ է տվել։ Ասում էին, թե Պյոտրն ու նա ամուսնալուծվել են։ Սակայն դերասանը հերքում էր լուրերը՝ վստահեցնելով, որ դրանք միայն ասեկոսերներ են։ Կրասիլովը հավատում էր․ հեռավորությանը վրա հարաբերությունները չեն քայքայի ամուսնությունը։
StarHit-ին, սակայն, հայտնի է դարձել, որ Պյոտր Կրասիլովի եւ Իրինա Շեբեկոյի ամուսնությունը փլուզվել է։ «Պետյան ու Իրան վերջերս են բաժանվել։ Նրանք փորձում էին փրկել հարաբերությունները։ Բայց միեւնույն է, ամուսնալուծության մասին որոշում են կայացրել»,- պարբերականին հայտնել են զույգի շրջապատից։
Իրինան այժմ 15-ամյա Ալեքսանդրայի հետ ապրում է Լոս Անջելեսում։ Նա հագեցած կյանք ունի․ շատ է ճամփորդում, ֆոտոշարքեր է անցկացնում, երբեմն դրանց մասնակցում է որպես մոդել։ Իրան դրանով չի սահմանափակվում՝ իր ուժերը փորձելով նաեւ այլ ոլորտներում։ Օրինակ՝ փորձել է յուրացնել անշարժ գույքի գործակալի գործունեության նրբությունները։
Կնոջ՝ այլ երկրի տեղափոխվելուց հետո Պյոտրը սկսել է շփվել նախկին կնոջ՝ Նատալյա Սելիվանովայի հետ, շատ ժամանակ հատկացնել իրենց որդուն՝ Վանյային։ «Վերջերս Վանյան հյուր էր եկել ինձ իմ ամառանոցում։ Նա ընկերական հարաբերություններ ունի քրոջ՝ Սաշայի հետ։ Նրանք խաղում են միասին։ Սակայն երեխաների գլխավոր կիրքը համակարգիչներն են, երկուսին էլ հնարավոր չէ մոնիտորից այն կողմ տանել։ Վանյային ծննդյան օրերին գադջեթներ եմ նվիրում։ Իմ ու Նատաշայի միջեւ թյուրըմռնումներն անցյալում են»,- նշել է արտիստը։