«Կկոպտի այնքան, մինչեւ նյոարդերդ տեղի տան»․ Ֆրիսկեի հայրը հրապարակավ սպառնացել է Շեպելեւին
23:24 16 հունիսի, 2021Վլադիմիր Կոպիլովը պատասխանել է լրագրողների մի քանի հարցերին, որոնք նրա հետ կապվել էին Ժաննա Ֆրիսկեի մահվան տարելիցի օրը։ Նախօրեին ընտանիքը տանը հյուրընկալել էր ընկերներին եւ ծանոթներին, որպեսզի հարգի հանգուցյալ երգչուհու հիշատակը։ Արտիստուհու հոր խոսքով՝ այդ տխուր օրը նրանք մեծ ուշադրության են արժանացել սրտացավ մարդկանցից։
Մամուլի ներկայացուցիչների հետ զրույցում Ֆրիսկեի հայրն անդրադարձել է նաեւ Դմիտրի Շեպելեւի հետ կոնֆլիկտին։ Նա բողոքել է, որ մինչեւ հիմա չի կարողանում հանդիպել իր թոռանը՝ Պլատոնին։ Վլադիմիրը հայտարարել է, որ իր համբերությունը սպառվում է, եւ վաղ թե ուշ նա երեխային կտեսակցի։
«Նա պարզապես ուզում է մեզ վատություն անել։ Թեեւ նա մեր երեխան է ... նա դստերս երեխան է: Նա կհասնի նրան, որ նյարդերս տեղի կտան, եւ նա շատ կզղջա», - Ֆրիսկեի հոր խոսքը մեջբերում է ФАН-ը։
Կարելի է ենթադրել, որ հաղորդավարին ուղղված բացասական արտահայտության վրա անդրադարձել են վերջին դատական արդյունքները։
Երգչուհու ընտանիքը պարտվել է դատական գործընթացը՝ կապված նրա մոր բնակարանում Պլատոնի բաժնեմասի վաճառքի արգելքի հետ։ Այժմ Շեպելեւը կարող է իր հայեցողությամբ տնօրինել անշարժ գույքի այն մասը, որը ժառանգաբար բաժին է հասել նրա որդուն։ Ըստ օրենքի, եթե նա որոշի վաճառել այն, ապա գնման առաջնային իրավունքը կլինի Ֆրիսկեի ծնողներինը։
Շեպելեւը, ի դեպ, նախօրեին համացանցում չի հարգել որդու մոր հիշատակը։ Սակայն նա դա հրապարակավ չի արել նաեւ նախորդ տարիներին։ Փոխարենը երգչուհու հետ հազվագյուտ լուսանկար է հրապարակել Օլգա Օռլովան: